Aasiaat
Angut politiinit aallaaneqartoq
Aasianni politiit tallimanngornerup unnuaani angut allaasimavaat. Angut, tuimigut allaaneqartoq, timmisartumik napparsimasut atortagaannik kingorna aallarunneqarsimavoq
Politiit Aasianni illoqarfiup ilaanut Nalunnguarfimmut angerlarsimaffimmi eqqissiviilliornermut ornigunnerat pissangartumik sulilernerannik kinguneqarpoq, politiit angut allaammassuk.
Angut politiinit tuimigut aallaaneqartoq, aallaaneqareernermi kingorna timmisartuaqqamik napparsimaveqarfiup atortagaanik aallarunneqarsimavoq.
Taama knr.gl allappoq.
- Politiit inuunerminnik ulorianartorsiortitaanertik pissutigalugu illuinarsuut atortariaqarsimavaat, nunatsinni politiit unnerluussisussaatitaasut pisortaat, Morten Nielsen, knr.gl-imut oqarpoq.
Politiit paasissutissiinerat najoqqutaralugu, angut maanna napparsimaveqarfimmit isumagineqartoq, ulluni 27-ani tigummigallagassanngortitaasimavoq.
Politiinut Attuumassuteqanngitsumik Unnerluussisussaatitaasut Misissuisartui maanna Aasiannut aallaanninneq pillugu misissuiartorlutik tikereersimapput.