Nuuk
Angut piniartoq Nuup kujataani ajunaartoq
Angut 40-t missaannik ukiullip umiatsiaata ikuallannera pissutaalluni ajunaartoq
50-nik ukiulik Niels Skifte Josefsen aavartilluni tammaaneqaleraluartoq qujanartumik ajunngitsoq ataasinngormat nassaarineqarpoq. Atammiup kujataani Niaqunngunami ujaarineqarpoq, ataasinngormallu aalisartunit siumorneqarluni.
Politiilli allamik nalunaarutissaqarput. Angut 40-t missaannik ukiulik piniartilluni ajunaarsimasoq nalunaarutigaat.
Angummut ilaqutaasut politiit nalunaarput tallimanngormat angutip umiatsiaa nassaarisimallugu kiisalu umiatsiap ikuallannerata pissutigisaanik angut ajunaarsimasoq nalunaarutigalugu.
- Issittumi Sakkutuut peqatigalugit politiit ajunaarfimmukarput. Umiatsiaq Nuummukaanneqarpoq toqusullu timaa misissorneqarluni, Nuummi politiini politikommisæri Kunuk Frederiksen Sermitsiaq.AG-mut oqaluttuarpoq.
Angut ajunaarami kisimiissimasoq nalunaarutigaa.