Ilulissat
Angut periataartup ikuallattoq qamipallakkaa
Ilulissani qui qanoq ikuallalersimanersoq politiinit misissorneqarpoq - ikuallattoq qaminneqapallappoq
Annonse
Angut Ilulissani periataarneratigut qui ikuallattoq qaminneqapallappoq. Quimi eqqaavik ikuallappoq. Qatserisartut ikuallattumut anngummata qui ikuallappallaarunnaareersimavoq.
Aappariit angerlarsimaffimminni eqqissisimaaruttorlutik ikuallassunnittumik naamasaqarput nalunaaqutaq 19.00 missaani sisamanngormat. Najugarisami eqqaaniittoq qui ikuallappoq.
Qatserisartut suli takkutinnginnerani angutip ikuallattoq qaminniarsaraa.
- Qui qanoq ikuallalersimanersoq misissorparput. Suli naluarput ikuallatsinneqarsimanersoq imaluunniit ikuallannartut ilaat ikuallatitsilersimanersoq, Qaasuitsumi politiinit Kasper Berthelsen Sermitsiaq.AG-mut oqaluttuarpoq.
Ikuallattoqarnerani ajoqqusertoqanngilaq.