Angut Paamiuni qiulluni toqusoq

Angut utoqqasaaq toqusimasoq Paamiuni arfininngormat ullaakkut nassaarineqarpoq.

Angut, kingullermik peqqittoq tallimanngornermi unnukkut takuneqartoq, qiusimasoq, Paamiuni politiit ilisimatitsipput.

Paamiut Politiivini politiassistentip Kim Andreassenip oqarnera naapertorlugu angutip toqunerani pinerluttoqarsimasinnaaneranik pasinartoqanngilaq.

Atuaruk: Angut toqungasoq Nuummi nassaarineqartoq

- Angut aalakoorluni tallimanngornermi unnukkut angerlarsimaffimminniit anisimavoq, arfininngornermilu ullaakkut aqqusernup sinaani nassaarineqarluni, Kim Andreassen oqaluttuarpoq.

Politiit oqaluttuarnerat naapertorlugu Paamiuni sila tallimanngormat perlulaarsimavoq anorlerneranit aput teqqalatinneqarsimammat, kiisalu aamma minus 15 angullugu ississimalluni.