mattussaaqqasoq

Angut nuummi apummik mattussaaqqasimasoq

Inuit sisamat akunneq ataaseq atorlugu aputaajaasiaqarsimapput.

Sømandshjemimi sulisut marluk angut apummik mattussaaqqasoq ikiorlugu aninguisippaat (toqqorsivimmit).

Angut inuusuttoq Nuummi ikummatissaasivimmi mattussaaqqasoq nalaatsornerinnarmik annaanneqarpoq.

Tamanna tallimanngormat weekendi aallartinngiluatsiartoq pivoq.

Atuaruk: Nuuk aputissaaleqinngilaq

Angut inuusuttoq angerlarsimaffeqanngitsoq nillimut kissasserniarluni ikummatissaasivimmukarsimavoq, aputilli annertuup sisoorneranit mattussaasimalluni.

- Qiperuisarrtut ilaat Johannes pisarnermisut alakkarpoq. Ikummatissaasivimmiittoqarnersorlu nalornissutigimagu inoqarnersoq alakkartariaqarsimavarput, Allan Majholm Hotel Sømandshjemmimi Nuummiittumi pisortaq Sermitsiaq.AG-mut oqaluttuarpoq.

Angut ikummatissaasivimmi nassaarineqarpoq

Allan Majholm angut inuusuttoq mattussaaqqasoq tallimanngornerup unnukkuani assaaqataaffigaa.

Sømandshjemimi sulisut marluk peqatigalugit unnukkut tarrajuttoq ikummatissaasivik inoqarnersoq alakkarsimavaat, inoqartorlu takugamikkut aput assassimallugu angut anisinnaanngorniassammat.

- Matu ammalaarmat angut attaveqarfigisinnaasimavarput, takusinnaallugu qiulluni sajuttoq, Allan Majholm oqaluttuarpoq.

Atuaruk: Angerlarsimaffeqanngitsut amerleriarujussuartut

Nerisassaanik matup ammalaarneratigut tunisimavaat.

- Narisassaanik imigassaanillu matup ammalaarneratigut tuneriarlugu assaanerput nangipparput. Sivitsunngitsoq eqqumiitsuliortoq Thomas Jensen takkuppoq ikiorlutalu. Akunnerullu ataatsip ingerlanerani aninguisipparput, Hotel Sømandshjemimi pisortaq sulisuminik tulluusimaaqisoq oqaluttuarpoq.

Gennem åbningen kunne de række forsyninger ind til den underafkølede mand i bunkeren.

Angut ullut pingasungajaat mattussaaqqasimasoq Sømandshjemmip Sermitsiaq.AG-mut paasissutissiissutigaa.

Powered by Labrador CMS