københavn
Angut nannut inaannut isertoq ajunngilaq
Pingasunngormat ullo´qeqqanut Københavns Zoomi angut nannut inaannut isertoq tarnimigut nappaateqarsimavoq
Københavns Zoomi nannut inaanni Den Arktiske Ringimi assersuutit maanna peerneqarput.
Ullumi siusinnerusukkut tassani ajortumik pisoqangajalluinnarpoq, angut nannut inaannut isermat.
Politiit maanna Ritzaumut oqaluttuarput angut ikilertitilaaginnarsimasoq inuunerminillu ulorianartorsiunngitsoq.
Tukkartilaaginnartoq
Immaqa tupaallannanngitsumik politiit oqaluttuarput angut tassaasoq 28-nik ukiulik tarnikkut nappaatilik.
– Tukkartilaarsimavoq nannullu aalaakkeeqqasimavaa, Københavns Politini pigaartut pisortaat Erik Gøtje Larsen DR-mut oqarpoq.
Suli paasiuminaatsippaat
Politiit suli tassani pisoqarfimmiipput, Uumasuusivissuarmilu sulisut peqatigalugit paasiniarpaat angut qanoq isilluni nannut inaannut iseriataarsinnaasimanersoq.
Tamanna paasineqariarpat Københavns Zoo tusagassiortunik katersortitsissamaarpoq.