ujakkaarneq
Angut inuusuttoq ujakkaartartoq VM-imut peqataarusuttoq
Karl-Peter Kristensen ujakkaarnermi VM-eqataajumalluni sungiusangaatsiarpoq
23-nik ukiulik Karl-Peter Kristensen Aasianneersoq arlaleriarluni ujakkaarnerni GM-ertoqarnerani ujaminnattareerpoq. Nunarsuarmi pissartanngorniuuteqataanissani maannakkut sukataarutigaa.
- Ujakkaarluni VM-ertoqassaaq Sverigemi illoqarfimmi Falunimit februaarip naanerani aappaagu, maannakkullu peqataarusullunga sungiusarsuaarpunga, Karl-Peter Kristensen oqarpoq.
Norgemi atuartuuvoq Trømsømi aqutsisutut bacheloritut atuartuulluni.
- Aasaq naallugu sungiusartorujussuuvunga, sapaatip akunneranut akunnerit 80-90-it missaat sungiusartarlunga. Akunnerni 30-ni qaammatini kingullerni marlunni sungiusarnikuuvunga. Europap kujataanut ungasinngitsumi sungiusariarnissara naatsorsuutigaara ukiaanerani unammisaqattaarnissanut piareeqqajumallunga, Karl-Peter Kristensen oqarpoq.
Elite Sport Greenlandimi tapersersorneqartut ilagaat.