ujaasineq
Angut inuusuttoq periarfeerunneqarpoq
Qaammatit marluk qaangiupput Islandip oqaluttuarisaanerani Birna Brjánsdóttiri periarfeerunneqarneranut ujaasinersuaqarmat. Maannalu angut inuusuttoq islandip illoqarfiisa pingaaarnersaanni aamma periarfeerunneqarpoq.
Artur Jarmoszko, Polenimioq sapaatip akunnera sinnerlugu periarfeerunneqarpoq. Ajornerusumillu pisoqarsimasinnaanera qanigisaasunit ernummassutigineqarpoq.
Angut periarfeerunneqartoq politiit sisamanngormalli ujaarilerpaat.
Ilaqutariit ernumapput neriuuteqarniarsarisullu, Arthur Jarmoszkop atsaava, islandimi nutaarsiassaqartitsivimmut mbl.is-mut oqarpoq.
Kingullermik takuneqarpoq marsip aallaqqaataani
Artur Jarmoszko sivisuumik Islandimi najugaqarsimavoq. 186 cm angissuseqarpoq, naatsunik taartunik nujalik isaalu qorsuullutik. Qernertumik kavaajaqarpoq, tungujortunik koorboqarpoq qaqortunillu kamippaqarluni. Artur Jarmoszko kingullermik takuneqarpoq marsip aallaqqaataani illoqarfiup qeqqani Austurstrætirimi .