alianartoq
Angut inuusuttoq naamaarluni Qaqortumi toquvoq
Sapaatip tungaanut unnuami Qaqortumi gassimik naamaarneq ajunaarnermik kinguneqarpoq
Angut 20-it missaannik ukiulik sapaatip tungaanut unnuami Qaqortumi gassimik naamaareerluni toquvoq. Inissiami naamaarfiusumi inuit tallimat isersimasimapput eqqaamiuusullu gassi naammasinnaasimavaat. Angut toqungasoq politiit anngunnerminni siumorpaat.
Inissiami nipiliorpaluttoqarnera pissutigalugu eqqaamiuusut politiinut nalunaarput. Eqqaamiuusut politiinut oqaluttuarsimapput inissiamit nipiliorfiusumit gassisunni naamasinnaasimallugu.
Uummarteqqikkaluarpaat
- Politiit inissiamut apuunneranni inuit tallimat isersimapput taakkulu tassa tallimat angut 20-it missaannik ukiulik toqungasimavoq tillerneqarani anersaartoranilu. Politiit erngerlutik uummarsarsimavaat aammalu anersaartorteqqilerlugu. Aammali angut anersaartorunnaaqqissimaavoq aappassaannillu uummarsarneqarnermini anersaartoqqilersimavoq, Qaqortumi politiiniit Sîvalêraq Terkildsen Sermitsiaq.AG-mut oqaluttuarpoq.
Ambulancet aggersarneqarasuarput angullu napparsimmaviliaanneqarpoq. Tassanili aamma anersaartorunnaaqqippoq uummarsarneqaraluareerlunilu toqusutut nalunaarutigineqarpoq.
- Gassi puiaasaq angisooq naamaarneqarsimavoq. Maannakkulli annerusumik oqaaseqarsinnaanngilagut paasiniaaneq suli ingerlammat, Sîvalêraq Terkildsen oqarpoq.