Sunday, January 8, 2017 - 04:54

Angut inuusuttoq apummik sisoorfigitilluni toquvoq

(toqqorsivimmit)
Assi.: Leiff Josefsen
Nuummi ajutoortoqarneratigut angutip inuusuttup arfininngormat inuunini annaavaa

Angut inuusuttoq Kangerluarsunnguami qamuteralatsilluni apummik sisoorfigitereerlunilu arfininngormat toqukkut qimaguppoq. TV2.dk taama allaaserisaqarpoq.

Ajutoorneq Nuummi politiit tusagassiuutitigut aamma ilumoornerarpaat.

Qamuteralattartut peqatigiiffiat Qamutit ajunaartoq 27-nik ukiulik qiimasutut, ikinngutaalluartutut qamuteralannillu nuannarisalittut eqqaamaneqarumaartoq facebookiminni allapput.

- Ullumi tamatta nalaakkusunngisarput pivoq, peqatigiiffik facebookimi allappoq.

Apummik matoorneqarpoq

27-nik ukiullip ikinngutini ilagalugit qamuteralatsilluni apummik sisoorfigineqarnerminik matoorussaavoq.

- Ujarlertoqarpoq, assaasoqarpoq ikiortissamillu sianertoqarluni. Simonilu annanniarlugu iliuuseqarnerugaluaq iluatsinngitsoorpoq, Qamutit allappoq.

27-nik ukiullip ikinngutai politiinut nalunaarput.

Misiginneqataalluni naneruutinik ikitsipput

Ajunaartup illuata saani misiginneqataasut naneruutiliipput. Kalaallit Nunaannilu sumiiffinni arlaqartuni aamma misiginneqataasut naneruutinik ikititeripput.

- Ullumi pisumi eqqungaasut tamassi, pingaaruteqarpoq pisoq pillugu oqaloqateqarnissarsi. Aappaqarussi, nuliaqarussu, anaanaqarussi, illooraqarussi ikinnguteqarussiluunniit qanigisarsinnik tusarnaarsinnaasumik, oqaloqatigisigit, qamuteralattartut peqatigiiffiat kaammattuivoq, attavigineqarsinnaanertillu aamma neqeroorutigalugu.

Seneste nyheder / Nutaarsiassat kingulliit