ikiaroornartulerisoq
Angut 48-nik ukiulik ikiaroornartunik nassiussisarsimasutut unnerluutigineqartoq
48-nik ukiulik Danmarkimit poortukkanik ikiaroornartutalinnik nassiussisarsimasutut unnerluutigineqarpoq. 1,5 million koruuninik iluanaaruteqarsimanissaa naatsorsuutigineqarpoq
Annonse
Jyllandip kangiani politiit angut 48-nik ukioqartoq Randersimeersoq ikiaroornartunik 10 kilomik oqimaassusilinnik 2013-mili nassiussisarsimasutut pasivaat.
Kalaallit Nunaanni ikiaroornartup akisunerujussua pissutaalluni politiit ilimagaat angut 1,5 million koruuninik iluanaaruteqarsimassasoq, politiit ittuata tullia Jesper Bøjgaard Madsen tusagassiutinut nalunaaruteqarpoq.
Politiit poortugaq Kalaallit Nunaannit Danmarkiliartoq 600.000 koruuninik imalik tiguaat 2014-ip upernaanerani.
Kalaallit Nunaanni politiit suleqatigalugit misissuisoqarpoq.
Angutip 48-nik ukiullip pisataanik politiit aamma arsaarinnissuteqarput.
Suliaq naammassingajalermat angut politiinit tigummigallarneqartussatut piumasaqartoqassanngilaq.