Inuiattut ullorsiorneq
Angoqqaanniutilerput
Aningaasanik pinnatassartalerlugu puisimik angoqqaanniunneq Sisimiuni pissaaq tallimanngornermi inuiattut ullorsiornermi
Inuiattut ullorsiortarnermi Sisimiuni ileqquulersoq angoqqaanniunneq misigeqqinneqartussanngorpoq. Angoqqaanniunnermi puisimik tulaasseqqaartoq 600 koruuninik akissarsiassaqarpoq.
Angoqqaanniutsitsineq iluaqutigalugu Sisimiuni mittarfiup aqqutaani inuiattut ullorsiornermi nalliuttorsiualaartut nutaanik neqitugassinneqartarput. Tassani killutsigut angoqqaanniuteqataasut tulaassaannik siaasaallunilu neqinik igasoqartarpoq.
Sumiiffippassuarni inuiattut ullorsiorneq nalunaaqutaq arfineq pingasunut erfalasulernermik aallarnerneqassaaq taassumalu kingorna nalunaaqutaq qulingiluanut naalagiaqatigiittoqassalluni. Sisimiuni inuiattut ullorsiorneq mittarfiup aqqutaani nalunaaqutaq pingasuniit unnukkut aqqarngup tungaanut ingerlassaaq akeqanngitsumillu bussit angallassissapput.
Kaagiliullaqqinneqqusaanneq
Inuiattut ullorsiornermi Maniitsumi kaffisoqatigiinnermi kaagit ilaat qulakkeerneqassapput kaagiliullaqqinneqqusaannikkut. Aaqqissuisut suli isertuukkallarpaat ajugaasut sunnassanersut taamaattoq oqaatigalugu pissanganartunik pinnatassaqartoq.
Maniitsup timersortarfiani kaffisoqatigiinnermi assigiinngitsunik aliikkusersuinerit nalunaaqutaq marluniit pissapput.