meeqqat atugarliortut
Angerlarsimaffiup avataanut inissinneqartartut ikileriartut
Naalakkersuisunngortitsinermut isumaqatigiissummi allassimavoq, meeqqat angerlarsimaffiup avataanut inissinneqartartut, ukiuni tulliuttuni qulini 2,5 procentinik ikileriartinneqassasut
Isumaginninnermut, Ilaqutariinnut, Naligiissitaanermut, Inatsisinillu atuutsitsinermut naalakkersuisunngortup Sara Olsvigip, meeqqat inuusuttuaqqallu angerlarsimaffiup avataanut inissinneqarsimasut, ukiuni qulini tulliuttuni 2,5 procentinut ikilisikkusuppai, ilaatigut, meeqqanut inuusuttuaqqanullu nuna tamakkerlugu suliassamut pilersaarusiortoqarneratigut.
Ullutsinni meeqqat inuusuttuaqqallu 0-17-inik ukiullit angerlarsimaffiup avataani inissinneqarsimasut ullumikkut 6-7 procentiupput. Pineqartut tassaallutik meeqqat inuusuttuaqqallu 640-t missaanniittut ulloq unnuarlu paaqqinnittarfinnut angajoqqaarsianullu inissinneqarsimasut.
- Meeqqanik aallutaqarnitsinni maanna killiffigisarput tassaavoq, angajoqqaat qanoq iliuuseqartarnerat isiginiarneqalermat aamma sullissisut qanoq iliuuseqartarnersut. Angajoqqaat meeqqaminnut akisussaaffii suunersut aamma inuiaqatigiit meeqqanut akisussaaffii suunersut oqaasertalissavavut, Sara Olsvig (IA) oqarpoq.
- Piaartumik iliuuseqartarnissaq aamma pinaveersaartitsineq aallunneqarnerusariaqarput aamma angerlarsimaffiup avataanut inissinneqartartut ikilisinneqarnissaat anguniagarisariaqarparput.
Meeqqat atugarliortut pillugit iliuuseqarneq pillugu Sermitsiami atuaruk: