Nuuk
Angerlarsimaffeqanngitsut akiliuteqartalernissaat siunnersuutigineqarpoq
Angerlarsimaffeqanngitsut piitsooreerput. Tamannali illoqarfimmi angerlarsimaffeqanngitsut unnuisarfianni atuisunut akiliuteqartitsisalernissap eqqarsaatiginissaanut kommunip aporfigisimanngilaa: Sapaatip akunneranut 350 koruuninik
Arfininngornikkut suppa neqitalerlugu uutaq.
Sapaatikkut suppaliassat imiliinnartakkat. Angerlarsimaffeqanngitsut kialaarumallutik, isersimaariartorlutik unnuiartorlutillu Nuummi Tuujummi Blok B-mi unnuisarfiliartartut sapaatip akunnerisa naanerini nerisassaat taakkuupput.
Sulisulli nerisassanik allanngorartitsinerorusupput tamatumalu peqatigisaanik pitsaanerulersitsiumallutik.
Taamaattumik atuisunut ullormut akiliuteqartitsisalernissaq siunnersuutigineqarpoq. Akit assigiinngitsut marluk tagginneqarput: Piitsuunerpaanut 20 koruunit 'peqarnernullu' 50 koruunit. Angerlarsimaffeqanngitsut pisortanit ikiorsiissutinik qanoq pisartagaqartiginerat apeqqutaatillugu akiliutissat aalajangerneqartassapput.
Allaaserineqartoq Nuuk Ugeavisimi atuarneqarsinnaavoq - tassani aamma Nuummi pisut pisussallu atuarneqarsinnaallutik. Nuuk Ugeavisi akeqanngitsumik ataani aaneqarsinnaavoq: