Angerlarsimaffeqanngitsoq Arctic Winter Gamesimi kajumissutsiminik ikiuuttoq

Hans-Peter Ananiassen 2009-mili angerlarsimaffeqanngilaq.

Tamatumali 49-nik ukiulik Nuummi Arctic Winter Gamesertoqarnerani kajumissutsimik ikiuunnissaanut unitsissimanngilaa.

Oqaatsit nuannarigai
Ullormut akunnerni tallimani isumannaallisaanermut ikiuussimavoq, ilaatigut unnuisarfinni.

- Nunani issittumeersunik allanik naapitaqarnissara kissaatigigakkut peqataavunga, aamma oqaasii nunnarigakkit, Hans-Peter Ananiassen Ulu Newsimut oqaluttuarpoq.

Eqiasuttuunngitsut
Angerlarsimaffeqanngitsut inuit eqiasuttutut oqaatigisaraat, taassuma malugikkajuttarpaa. Kajumissutsimillu suleqataanikkut Hans-Peter Ananiassenip taamatut isiginnittariaaseq allanngortinniarsaraa.

- Kajumissutsimik suleqataanikkut assigiinngitsorpassuartigut misilittagaqalerpunga. Angerlarsimaffeqanngitsullu inuiaqatigiinnut iliuuseqarsinnaanerat allanut takutinnissaanut periarfissinneqarpunga. Angerlarsimaffeqanngitsut amerlasuut allanut ikiuukkusuttarput. Assigiinngippallaanngilagut. Misigissuseeqarpugut, taanna naqissusiivoq.

Aalajangerneq eqqortoq
Hans-Peter Ananiassen aalajangernini nuannaarutigaa. Nutaanik ikinngutitaartorpoq, neriuutigaalu kajumissutsiminik suleqataanerata suliffittaarnissaanut ikiorumaaraa.

Ulu News issittumi unammiuaartoqarnerani Arctic Winter Gamesip atuagassiartaraa, ilaatigullu Ilisimatusarfimmi tusagassiortunngornianit suliarineqarpoq.

Atuagassiat taakku tuluttuut tamaasa uani atuarsinnaavatit

Arctic Winter Games pillugu nutaarsiassat kingulliit atuakkit:

Arctic Winter Games nerisassanik siniffinnillu tunisivoq

Arctic Winter Gamesimit assit kingulliit takukkit

Arctiv Winter Gamesimi peqataasut kingulliit ataasinngorpat aallassapput