kiisami
Angallattakkamik oqarasuaatillit amerlanerusut sukkanerusumik internetsersinnaalissapput
Tele-Post 4G-mik misileraareerluni periarfissiissutini amerlivai - sukkassutsit takukkit
Tele-Postimi Tusassilinnut nuannersumik nutaarsiassaqarpoq.
Tassami Tele-Posrt 4G-mik qaammatini kingullerni misissuereerluni taakkunani mobilinik atuisuusut teknologimik atuisinnaasimallutik. Misileraaneq ima iluatsilluarsimatigaaq maannakkut teknologi tamanna aammattaaq sullittakkanut Tusass-imik atuisunut neqeroorutaalerluni.
Nuummi, Qaqortumi, Sisimiuni, Ilulissani aamma Kangerlussuup mittarfeqarfiani mobiliutillit sullitat 2.000-it sinneqartut 4G LTE-teknologimik pisartagaat 2014-ip naalerneraniilli misilerarsimavaat. Misileraaneq ima iluatsilluartigisimavoq Tele-Post-ip teknologi tamanna aalajangersimasutut atortussatut atuutilersissimallugu.
Sukkassutsit
Tamatumunnga ilutigitillugu 4G LTE Maniitsumi atuisunut siaruarneqassaaq. Sumiiffinni taakkunani arfinilinni tamani sullitat Tusass-illit aammattaaq teknologimik tassannga februaarimi sapaatit akunneranni siullermiit atuisinnaalersinneqassapput.
Sukkassuseq 7 Mbit/s upload aamma 1 Mbit/s downloadimut inissinneqarpoq. Siunissami Tele-Post-imit pilersaarutigineqarpoq nioqqutigisat ilaanni sukkassutsip annertusineqarnissaa, Tele-Post tusagassiutinut nalunaaruteqarpoq.