Skip to main content

Angallatit radioani sulisut ajunaalernermik kalerrisaarisut sumiissusersigaat

Aasiaat Radioani sulisut ajunaalernermik kalerrisaarineq sakkukitsoq, sumiiffimmilli taasiffiunngitsoq, tusareerlugu kalerrisaarisut sumiiffigisinnaasaanik naatsorsuineritigut inuit marluk qulimiguulimmit nassaarineqarput.

Aasiaat Radioanut VHF-radiokkut ajunaalernermik kalerrisaarineq sakkukitsoq tallimanngornermi nalunaaqutaq 18:29 annguppoq. Kalerrisaarinermi sumiiffik angallatilluunniit atia taaneqanngilaq.

Taama Arktisk Kommando facebook-imi quppernermini allappoq.

Arktisk Kommando najoqqutaralugu Aasiaat Radioata Arktisk Kommandomi Joint Rescue Coordination Centre (JRCC) erngerlugu attaveqarfigaa ajunaalernermik kalerrisaarisoqarneranik ilisimatitsiffigalugu.

- Ilutigalugu Aasiaat Radioani sulisut kalerrisaarineq suminngaanniit pisimasinnaanersoq naatsorsorlugu aallartippaat, Arktisk Kommando allappoq.

LÆS OGSÅ: Assit takukkit: Taquassat timmisartumit piniarianut nakkartinneqartut

Qulimiguulik sumiiffiusinnaasumut aallartinneqartoq

JRCC-imi pingaartup qulimiguulik annaassiniut Air Greenlandimeersoq aallartippaa, qulimiguulillu Kangaatsiap aamma Sisimiut akornanni sumiiffiusinnaasumut ingerlatinneqarpoq.

- Tassani inuit marluk sikumiittut nassaarineqarput. Taakkua umiatsiaaqqamik ammaannartumik angalasimapput sikullu sinaani ajutoorsimallutik, Arktisk Kommando allappoq.

Inuit taakkua marluk qulimiguulimmit amuarneqarput Sisimiunullu tallimanngornermi unnukkut nalunaaqutaq 21:41 apuunneqarlutik.

Arktisk Kommandop facebook-imi allaaserisamini Aasiaat Radioani radioalerisut ilanngullugit nersualaarpai.

- Sakkukitsumik kalerrisaarineq tusarpaat aamma sumiiffigisinnaasaat naatsorsorlugu, taamaalilluni qulimiguulik ingerlaarfissaminut najoqqutassaqartilerlugu. Radiolerisut sumiiffiusinnaasutut naatsorsorpaat 6720N-5500W. Qulimiguullillu inuit taakkua marluk 6730N-5412W-imi nassaarai.

Arktisk Kommandomit ilanngullugu ilisimatitsissutigineqarpoq umiatsiaq suli sikup sinaaniittoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER