ajutoornerit
Angallatit isumannaassusaat misissorpaat
Imaani ajutoortoqarsimatillugu misissueqqissaartartut angallatit mikinerusut atorlugit ilaasunik angallassisarnerup isumannaasusaa misissoqqissaalerpaat. Imaassinnaavoq inatsisinik allannguisoqartoq
Imaani ajutoortarnerit amerliartornerat – ilaatigut ajornaarnermik kinguneqartartoq – imaani ajutoornernik Danmarkimi misissueqqissaartarfik tunngavissaqalersippaa Nunatsinni angallatit mikinerusut atorlugit ilaasunik angallassinerup isumannaatsuunerata misissornissaanut.
Uani takornariat kisimik pineqanngillat aammali Nunatsinni najugallit angallanneqartarnerisa isumannaatsuunera nalilersorneqassasoq, imarsiornermut aqutsisoqarfik ilisimatitsivoq.
Annaqqarluinnartut
Misissuinissamut tunngaviusut ilagilluinnarpaat umiarsuarmut takornariartaammut ilaasut 23-it annaqqarluinnarnerat angallat takornariartaat Inuk II augustimi Ilulissat avatinnguani takornariussilluni piffissap sivikitsuinnaap ingerlanerani kivimmat. Ajutoornermut pissutaasoq ajutoortoqarsimatillugu misissueqqissaartartut suli paasiniarpaat.
Atuaruk: Aalisartoq ajunngitsoq nanineqartoq
Ilaquttat angajoqqaallu isumaaluttarsimaqaat Nuuk silarlutsillugu angallatit mikisut ilaasoqarlutik tikikkiartoraangata. Qeqertarsuarmiut aamma ilaasunik angallassisarneq pillugu ernumaammertarput illoqarfimmik eqqaa silarlutsillugu mallernikkaajummat.
Pisartut tamakku imarsiornermut aqutsisoqarfimmi, Nuummi immikkoortoqarfeqartumi, puiguinnarneqarneq ajorput.
- Angallatinik mikisunik ilaasunik angallassisarnerup isumannaassusaata misissornissaa pisariaqarsorinarpoq 2014-ip 2015-illu ingerlaneranni Kalaallit Nunaanni ajutoornerit arlaqarmata. Aamma eqqarsaatigigaanni angallatinik mikisunik ilaasunik angallassinerup ukiuni tullerni annertusiartuinnarnissaa pisariaqarpoq isumannaallisaanerup misissoqqissaarneqarnissaa, imaani ajutoortoqarsimatillugu misissueqqissaartarfimmi misissuinermut pisortaq Øssur Jarleivson Hilduberg oqarpoq.
AG-mi saqqummeqqammertumi atuaqqigit: