Angallatip naalagai nutaat avalannissamut piareertut
Ippassaq ullumikkullu Imarsiornermik Ilinniarfimmi soraarummeertoqarpoq, tassani 21-t uppernarsaatitik tiguaat.
Erneeraq Siegstadip 1. gradimik fiskeskipperitut allagartani ullumi tiguaa aamma Ilannguaq Wille Petersenip sætteskipperitut allagartani tiguaa.
Imarsiornermik Ilinniarfimmi Nuummi nalliuttorsiortitsinermi tamanna pivoq.
Ippassaq qalorsualiortut qulingiluat nutaat aamma skibsassistentit qulit aalisartuusinnaasut uppernarsaatitik tiguaat.
Ilinniartut erinarsoqatigiinnikkut, oqalugiarnikkut aamma inuussutissarsiortunit, peqatigiiffinnit kattuffinniillu tunissuteqartoqarneratigut nalliuttorsiutigineqarput.
Tamatuma saniatigut pikkorissartut 170-nit ikinnerunngitsut inuussutissarsiutigalugu aalisartut isumannaallisaanermut pikkorissarnerinik, takornarialerisunut 12-paximik pikkorissarnerit.
- Imarsiornermik Ilinniarfik ilinniarfiuvoq ataatsimoortoq. Immikkoortoqarfinni ataatsimoorluni suliniuteqarnikkut naggataatigut aqumiut maani Nuummi nalliuttorsiutigaagut, forstanderi Nivikka Brandt tusagassiuutinut nalunaarummi allappoq.