Angallat takornariartaat 26-nik ilaasulik kivisoq - tamarmik annanneqarput

Umiarsuarmi takornariartaammi ilaasut 23-t aamma inuttat pingasut, angallammut takornariartaammut Ilulissaneersumut ilaasut, angallat kivilermat angallammut allammut ikaartinneqarlutik annanneqarput.

Ajutoorneq Ilulissat Kangerluani pivoq.

Ilulissani politiit politikommissærerigallagaat, Sebastian Bech, taama ilisimatitsivoq.

Ajunngitsut
- Tamarmik ajoratik annaanneqarput. Umiarsuarmut takornariartaammut ilaasut tamarmik umiarsuarmut Ilulissaniittumut ikeqqipput. Kisianni angallat kivivoq, taanna ilisimatitsivoq, ilanngullugulu oqaatigaa pisoq misissorneqartoq.

KNR naapertorlugu ajutoorneq sapaammi unnuakkut nalunaaqutaq 01.00 pivoq. Umiarsuarmit takornariartaammi L'Australimi taakku ilaasuupput, angallallu kiviartulermat tassanngaanniik 100 meterisut ungasitsigisumi inissisimasimapput.

Tamatuma kingorna angallatip mikinerusup inuit L'Australimut ikaarussorpai.

Kivineranut suna pissutaanersoq suli paasineqanngilaq.