Campus Kujalleq
Angallassisartunngorniat misilittagassarsiortut
Campus Kujallermi Issittumi angallassisartunngorniat Ilulissat takornarialerisartunit puiunaatsunik misigisaqarfigisaannik ilinniartinneqarput.
Aggustip aallartilaarnerani Campus Kujallermi Angalalluni Takornarianut Nassuiaassisartut holdit nutaat aallartipput. Ilinniartut 16-it sapaatit akunnerit tallimat siulliit ingerlaneranni pinngortitarsuaq, Kalaallit Nunaanni naasut uumasullu pillugit aamma qaqqami ikiueqqaarneq siullermeerlutik sisamariarlutik soraarummeerutigereerpaat.
Campus Kujallermi ilinniartunut pisortaq, Rie Oldenburg paasissutissiivoq.
Ilulissani misilittagassarsiorneq
Misilittagassarsiorneq ingerlateqqillugu Angalalluni Takornarianut Nassuiaassisartut Teknikkianit PGI Greenland pillugu
aamma ukioq manna ilinniartinneqassapput.
Ilulissani holdit oqaluttuarisaanermi ilinniartut siullersaallutik yacht akimarpalaartoq ”Archimedes” Sullualuk ikaarlugu sapaatit akunnerata aallartilaarnerani tikissimasoq pulaarpaat, Campus Kujalleq paasissutissiivoq.
Ilinniartut tupatsinneqartut
- Ilulissani Ilinniartut ulloq atuarfiusussaq siulleq skema-nni allaqqavoq ”Kiffartuussineq” kisianni tassa ilinniartut tupaallaatigeqisaannik umiarsualiviliaanneqarput, tassani Angalalluni Takornarianut Angallassisartut immikkut akuersissummik pillutik yacht-mut akimarpalaartumut ”Archimedes”-mut ikitinneqarput, ilinniartunut pisortaq oqarpoq.
Archimedes inuinnarmik pigineqartoq nalinginnaasumik eqimattanik inunnulluunniit allanut takornarniartitsineq ajoraluarpoq, taamaattumik ilinniartunut umiarsuullu inuttaannut ulloq immikkuullarissuuvoq.
Misigisartakkat
- Takornariartitsinerup alutornaqisup saniatigut umiarsuup inuttaasa kiffartuussinermi nioqquteqarfik pillugu suliaqartarnertik pillugu misigisartakkatik oqaluttuaraat. Isertuussassaanngilaq takornarianut nassuiaassisutut umiarsuarmi taammaattumi suliniaraanni immikkuullarissumik tunniussassaqartariaqartoq, pisinianut kiffartuussineq eqqarsaatigalugu kisiannili aamma minnerunngitsumik immikkut ilisimasalittut ilisimasaqarluarnissaq piffinnilu nunap ilaanut ilisimasaqarnissaq eqqarsaatigalugit, Rie Oldenburg oqaluttuarpoq.
Qujanartumillu tassa taakkorpiaat, Angalalluni Takornarianut Angallassisartut ilinniarnerminnut
atatillugu sungiusagassaringaa, taanna paasissutissiivoq.
Najukkami takornarialerinermik suliaqartut naapikkaat
Ilinniartut Qaqortumiit Ilulissat tungaanut angalanerminni Nuummi Ilulissanilu sumiiffinni angallassisartut naapinnissaat periarfissarisimavaat soorlu aamma Sisimiuni Kangerlussuarmilu mini-workshoppeqartitsisoqarniartoq.
- Pingaaruteqarpoq angallassisartut inerlaat ilinniarnermi nalaani takornariaqarnermik sulialinnik sapinngisamik amerlasuunik naapitsinissaat, neriuutigalugu imminnut akimorlutik suleqatigiittarnissaat pillugu. Inuussutissarsiortunut ilinniartunullu nuannaarutaasussamik, ilinniartunut pisortaq oqarpoq.
Assit ataani takukkit: