Greenland Express Air
Angallasserngaarnissap kinguartinnera Gert Braskip salluliuutigaa
Hollandermiut timmisartuutileqatigiiffiat Denim Air ACM-ip pingasunngormat nalunaarutigaa timmisartumik misileraaneq ajunngitsumik ingerlasoq - pisortap Ronald Janssenip Gert Braskip oqaasii eqqumiigai
Greenland Express Airip angallasserngaarnissaa juunip aappaani pilersaarutigineqaraluartoq taamaatiinnarpoq. Timmisartuutileqatigiiffiup Hollandiminngaanneersup Denim Air ACMI-p timmisartuutaa Fokker-100, Greenland Express Airip timmisartoq attartugaanut piginnittut, suli timmisartup angallassinissaanut akuersissummik inissitaqarsimanngilaq.
Allamik naamik.
Denim Air ACM-ip pisortaa Ronald Janssen tamanna tallimanngornermi naqissuserpaa.
Gert Braskip Sermitsiaq.AG-imut oqaasii Ronald Janssenimut apeqqutigineqarput. Gert Brask ima oqarpoq:
- Ajoraluartumik Demin Air ACMI-mit hollandimeersumit ilisimatinneqarpugut, timmisartoq ataasinngorpat ullup qeqqanut aatsaat tikissinnaasoq, misiliummik timminermi teknikkikkut ajornartorsiuteqarsimammat. Taamaammallu timmisartup qalipanneqarnissaa kinguartilluni, aatsaallu ataasinngorpat ullaakkut naammassissalluni. Qalipanneqarnera naammasseriarpat piaartumik Aalborgiliaanneqassaaq, Gert Brast oqarpoq.
Gert Braskip oqaatsini attatiinnarpai
Gert Braskip oqaasigisai Ronald Janssenimit eqqumiigineqarput. Tamanna Gert Braskip ima oqaaseqarfigaa:
- Suleqatersi (Aviisiliortoq atorfiginagu tusagassiortartoq) una pillugu suliaqartoq tatiginanngitsuuvoq. Oqaasigisimasakka attatsiinnarpakka.