Angallanneq

Angallannermut isumaqatigiissutinut nutaanut isornartorsiuineq tunngaveqannginneraraa

- Annilaanganeq tunngavissaqanngilaq, Siumumi politikerimut Kristian Jeremiassenimut taama oqariartuuteqartoqarpoq

Kristian Jeremiassen isornartorsiuinermini taperserneqanngilaq

Siumumit kommunimi politikeri, Kristian Jeremiassen, Qaasuitsup Kommuniani kommunalbestyrelsimut ilaasortaq, angallannermut isumaqatigiissutinut nutaanut tunngatillugu isornartorsiutinut akuliuteqqammerpoq.

Atuaruk: Kommunimi politikeri Naalakkersuisunut tatiginnikkunnaartoq

Umiarsuarnerulerneq
Isumaqatigiissutit akerleriissutaapput, tassani umiarsuarnerusalernissamut aaqqiissuteqarnerat pissutaavoq, qulimiguulinnilli ilalerneqartassaaq.

Isumaqatigiissutit innuttaasut angalasarnerannut ajornerulersitsissasut Kristian Jeremiassenip aamma ernumassutigaa, tamannalu Naalakkersuisut isumaqatigiissutinik suliaqarnerannut tatiginnikkunnaarneranik kinguneqartoq naqissusiivoq.

Tassami taassuma isaanik innuttaasut Qasigiannguaneersut, Aasianneersut aamma Kangaatsiameersut ullumikkumit angalasarnerat ajornerulissaaq.

Atuaruk: Akerliusut: Knud Kristiansen, tunuarit

Tunngavissaqanngitsoq
- Annilaanganera tunngavissaqanngilaq, Qeqertarsuup Tunuani innuttaasut ullumikkornit angalanissamut amerlanerusunik periarfissaqalertussaammata, tamatumalu saniatigut umiarsuarnut ilaasartaatinut ilaallutik angalassagunik bilitsit akikinnerusut atorlugit angalasinnaalissallutik, Knud Kristiansenip Naalakkersuisoqarfia taama allappoq.

- Taamaalilluni angalanissap nammineerluni pisariaqartitat aningaasaqarnerlu tunngavigalugit pilersaarusiornissaanut periarfissat annertunerulissapput, Attaveqarnermut Naalakkersuisoqarfimmit akissut taama nipeqarpoq.

Atuaruk: Borgmesterip Sarfaq Ittuk Upernaviliartittalerusuppaa

Patajaannerusut
Naalakkersuisoqarfiup aamma oqaatigaa, kiffartuussinissamut isumaqatigiissutit nutaat ingerlatsinermut isumannaassutsimik patajaassutsimillu annertusititsissasut, angalariaasissaq sila qanoq inneranut naleqqussarneqarsinnaasussaammat.

- Imaatigut angalasoqarsinnaatinnagu Disko Linep sullissinissaa naleqqussarlugu qulimiguulimmik timmisartuussisoqarsinnaavoq, taamaalillunilu angalasussat tamarmik piffissaq eqqorlugu ornitaminnut apuussinnaassallutik.

Atuaruk: Ilaasut timmisartorlutillu umiarsuartassapput

Powered by Labrador CMS