isumaqatigiissut

Angallanneq pillugu Qeqertarsuarmi ataatsimiitoqassaaq

Disko Line isornartorsiorneqangaatsiareersorlu angallannermut naalakkersuisoq Qeqertarsuarmi innuttaasunik ataatsimiisitsissaaq

Múte Bourup Egede kiffartuussinissamut isumaqatigiissut pillugu Qeqertarsuami februaarip arfineq-aappaanni ataatsimiisitsissaaq

Disko Linep kujataani Qeqertarsuullu tunuani ukiortaamit kiffartuussinissamik isumaqatigiissusiorfigineqarmat isornartorsiuinerit imaaginnavipput.

Isornartorsiuineq kujataani sakkortunerugaluartoq Qeqertarsuup tunuani angallannermut tunngasunut aamma naammagineqanngitsut arlaqarput.

Atuaruk: Disko Line nalilersorpaat

Tamattoqarnerata kinguneranik angallannermut naalakkersuisuugallartoq Múte Bourup Egede (IA) Qeqertarsuarmi innutaasunik ataatsimiisitsinialerpoq. Taassuma naalakkersuisuuusimasoq Martha Lund Olsen tunuartitaammat pisassaqarfik upernaaru Inatsisartut ataatsimiinnissaata tungaanut akisussaaffigaa.

Ataatsimeeqatigiserinninnermut sullissinermut isumaqatigiissutit pillugit Qeqertarsuarmi suleqatigiinnit januarip 27-ani 31-anilu saaffiginnissutit tunngaviupput tusagassiuutinut nalunaarummi paasissutissiissutigineqarpoq.

Atuaruk: Disko Line nakkutigineqartorujussuuvoq

- Suleqatigiinneq paaseqatigiinnerlu ingerlariaqqinnissamut aqqutissiuisarmata, innuttaasut ataatsimeeqatiginissaannut qilanaarluni attaveqaqaatigiinnermut Naalakkersuisoq Múte B. Egede nalunaarpoq, tusagassiuutinut nalunaarummi allassimavoq.

Ataatsimiinneq Qeqertarsuup katersortarfiani februaarip ulluisa arfineq-aappaanni nalunaaqutaq arfineq-marlunut ingerlanneqassaaq.

Powered by Labrador CMS