Skip to main content

Angalasoq: Disko Line paasissutissiinerluppoq

Michael Nielsen Narsarsuarmiit nikinneq ajuleqqavoq. Taanna isumaqarpoq Disko Line amigartumik kukkusumillu paasissutissiisartoq

Ippassaq ullaatungaani Disko Line nittartagaani nalunaarutigineqarpoq, Kujataani sikorsuaqarnera pissutigalugu imaatigut angallassinerit tamarmik taamaatinneqarsimasut. Qulimiguulimmillu angallassineq nalunaarutigineqarani. Ualisoq angallassinerup naliginnaasumik ingerlanneqalersimanera nalunaarutigineqarpoq.

Tamannalu ilumuunngitsoq Michael Nielsenip angalasullu allat oplever. Taakkumi Narsarsuarmiit Nanortalimmut ingerlaqqinnissartik suli utaqqisimavaat.

- Ippassaq pingasunngornermi Disko Linep qulimiguulik taamaatippaa, ullumikkullu sisamanngornermi nalunaaqutaq 19 Disko Linemit suli tusagaqarnanga Narsarsuarmi suli utaqqivunga, taanna ippassaq oqaluttuarpoq.

Ullumikkut suli Nanortalimmukarsimanngilaq. Ullumi nittartakkami nalunaarutigineqarpoq, angallatik angalanngitsut qulimiguummillu  angallassinissamik pilersaarutit allanngortinneqarsimasut.

- Angalasussat eqqorneqartut tamarmik toqqaannartumik nalunaarfigineqassasut, allassimavoq.

Michael Nielsenimut kingullermik nalunaarutigineqarpoq unnugu nalunaaqutaq 18.15 aallassasoq, taamaakkaluartoq qulimiguulimmut ikitinnani upperilersinnaanngilaa. Paasissutissiisarnermi pitsaanngilluinnarnerarpai.

- Disko Line kiffartuussilluarnissamik ilisimasaqanngilaq angalasunulli paasissutissiilluarsinnaanatik, taanna oqarpoq.

Disko Linemit neriuutigineqarpoq, ajornartorsiutigineqartut ullumi iluarsiivigineqassasut.

- Narsarsuarmi angalasut 15-it uninngasuutigavavut, sineriammilu ikinnerulaarput. Ullumikkullu qulimiguulik pissusissamisut ingerlassappat kinguaattoortut tamarmik apuuffissaminnut apuunneqassapput, Frederik Sandgreen Disko Linemit tusagassiuutinut allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER