Nuuk
Angalasoq 54.000 koruuninik arsaarneqartoq
Angut 30-t missaannik ukiulik Nuummit Danmarkimut angalalersoq aningaasanik 54.000 koruuninik pisattaminut toqqorsimasaminik arsaarneqarpoq
Annonse
Nuummi mittarfimmi akitsuuserisut misissuinerminni aningaasanik 54.000 koruuninik nassaarput. Angutip angalasussap pisattami iluani aningaasat aaqqatinut toqqorsimavai. Angut Nuummit Danmarkimut angalalersoq aningaasanik arsaarneqarpoq.
Nuummi politiinit Henning Siezing Sermitsiaq.AG-mut nalunaarpoq.
Misissorneqarpoq
Akitsuuserisut 54.000 koruuninik arsaarinnereeramik aningaasat Nuummi politiinut tunniuppaat angullu pilersaarutigineqartutut aallarluni.
- Pisoq misissorneqassaaq. Angut apersorneqarumaarpoq, Henning Siezing oqarpoq.
54.000 koruuninik arsaarinnittoqarnerata saniatigut aamma Nuummi Mittarfimmi angalasoq 50 gramimik hashimik paarisaqartoq arsaarneqarpoq.