qinersineq
Angalanissamut periarfissat pitsaanerit tamanut
Marius Didriksen, Qaanaami Partii Naleraq sinnerlugu Inatsisartunut qinigassanngortittoq timmisartumut bilitsit akisuallaarnerannik angallannikkut aaqqissuussaanerup ajorpallaarneranik, qineqqusaarnermi sinerissamukarsinnaannginnerminut oqariartuutimilu siammarternissaanut taamaallaat Facebookip atorsinnaaneranut pissutaasut pillugit naammagittaalliuutiginnippoq
Air Greenland sapaatip akunneranut ataasiarluni Qaanaamut timmisartuussisarpoq bilitsillu akisoorujussuullutik. Taamaattumik Marius Didriksenimut Qaanaamit kujammut angalanissaq illoqarfinnilu arlalinni qineqqusaarnermut peqataanissaq ajornarluinnarpoq.
Marius Didriksen Qaanaami Partii Naleraq sinnerlugu Inatsisartunut qinigassanngortippoq. Kisianni Qaanaamiiginnartariaqarpoq oqariartuutimilu siammarternissaannut Facebook atortariaqarlugu.
- Tamanna ajornerpaamik kinguneqarpat isumaqarsinnaavoq qineqqusaarutima inunnut anngutinngitsoorneranik, uangalu qinersisartunik ataatsimiititsinernut peqataanissannut parteerput aningaasassaqarani. Kisianni Facebook atortariaqarpara, inuilli tamarmik facebookeqaratik. Angalasinnaannginnera soorunami uggornartorujussuuvoq, oqarpoq.
Qaanaaq 2013-imi Inatsisartunut qinersisoqarmat qinigaatitaqanngitsoorpoq. Taamaattumik angallanneq eqqarsaatigalugu illoqarfik immikkoortinneqarajuttarpoq.
Qaasuitsup kommuniani susoqarnersoq sapaatip akunneranut saqqummertartumi Tamanut Avannaanimi atuaruk. Oqaluttuap sinnera tassani atuaruk. Aviisi akeqanngitsumik uani pissarsiarisinnaavat: