kajumissaasiineq

Angajoqqaat peqatigiiffiannut, Peqatigiiffik Nuummi Eqqaamasat aamma nipilersortartumut nersorinninnerit

Kommuneqarfik Sermersuup ukiut tamaasa nersornaasiuttagaat kajumissaasiuttagaallu sisamanngornermi ualikkut tunniunneqarput

Saamimmit: Orla Dalager Peqatigiiffik Nuummi Eqqaamasaneersoq, Benny Kokholm Inooqammit aamma nipilersortartoq Jim Milne
Ilaquttat, ikinngutit aamma peqatigiiffinni ilaasortat sinneri sisamanngornermi nersornaasiinermi najuupput
Saamimmit: Orla Dalager Peqatigiiffik Nuummi Eqqaamasaneersoq, Benny Kokholm Inooqammit aamma nipilersortartoq Jim Milne Kommuneqarfik SermersooqIlaquttat, ikinngutit aamma peqatigiiffinni ilaasortat sinneri sisamanngornermi nersornaasiinermi najuupput Kommuneqarfik SermersooqSaamimmit: Orla Dalager Peqatigiiffik Nuummi Eqqaamasaneersoq, Benny Kokholm Inooqammit aamma nipilersortartoq Jim Milne Kommuneqarfik SermersooqIlaquttat, ikinngutit aamma peqatigiiffinni ilaasortat sinneri sisamanngornermi nersornaasiinermi najuupput Kommuneqarfik SermersooqSaamimmit: Orla Dalager Peqatigiiffik Nuummi Eqqaamasaneersoq, Benny Kokholm Inooqammit aamma nipilersortartoq Jim Milne Kommuneqarfik SermersooqIlaquttat, ikinngutit aamma peqatigiiffinni ilaasortat sinneri sisamanngornermi nersornaasiinermi najuupput Kommuneqarfik Sermersooq

Kommuneqarfik Sermersuup ukioq manna nersorinninniarluni kajumissaammik tunniussinissami, angajoqqaat ineriartornermik akornutilinnik meerallit peqatigiiffiat Inooqat, Peqatigiiffik Nuummi Eqqaamasat aamma nipilersornermik ilinniartitsisoq Jim Milne, Suliniuteqartumut Kajumissaat 2015, nersorinnissutissatut tunniukkuppai.

Kommuneqarfik Sermersuumit Suliniuteqartumut Kajumissaat 2015-imik pissarsisut pingasut kommuneqarfitsinni inuiaqatigiinnik nukittorsaanermik immikkut ittumik suliniuteqarsimapput.

Aningaasannattut
Taakkua tamarmik namminneq periuseqarlutik Kommuneqarfik Sermersuumi kulturikkut aamma inooqatigiinnermi immikkut pitsaasumik iliuuseqarsimapput.

Pingasuullutik 15.000 koruuninik akissarsitinneqarput.

Atuaruk: Peqatigiiffik Nuummi Eqqaamasat taasititsineq nuannaarutigaat

Kalaallit Nunaanni angajoqqaat ineriartornerminnik akornutilinnik meerallit peqatigiiffiat Inooqat kajumissaaserneqartunit siulliuivoq.

Ineriartornermik akornutillit qanigisaasalu inuunernerminni atugaannik pitsanngorsaaneq peqatigiiffiup suliarai. Pissutsit atugassarititaasut pitsanngorsarniarlugit siulittaasoq Benny Kokholm, suliniuteqarluartuusoq angajoqqaat peqatigiiffiat sinnerlugu kajumissaammik tigusisuuvoq.

Oqaluttuarisaanermut tunngasoq
Kajumissaammik tunineqartut aappaat tassaavoq, Peqatigiiffik Nuummi Eqqaamasat.

Nuup oqaluttuarisaanera pillugu naqitikkatigut, oqalugiarnikkut saqqummersitsinikkullu soqutiginninnermik pilersitseqataaneq aamma illoqarfiup oqaluttuassartaa pillugu innuttaasut naapinnissaannut peqatigiinnissaannullu ataatsimuulersitseqataasinnaaneq peqatigiffimmut nersorinninnermut tunngaveqarpoq.

Peqatigiiffiup suliniuteqarneratigut aappaagu Nuup oqaluttuarisaanera pillugu katersugaasivittaassaq ammarneqassaaq. Katersugaasivissami saqqummersitat aamma assit illoqarfiup ineriartorneranik oqaluttuartut takusassiarineqassapput. Siulittaasoq Orla Dalager kajumissaammik tigusisuuvoq.

Nipilersortartoq Amerikamiu
Ukioq manna kajumissaaserneqartut pingajuat tassaavoq nipilersortartoq nipilersornermillu ilinniartitsisoq Jim Milne. Amerikamiu Jim Milne, ukiut 37-it matuma siorna Kalaallit Nunaannut tikinnermi kingorna nipilersornerup silarsuaanik aallussisuuvoq.

Piumassutsi kajumissutsilu tunngavigalugit eqqumiitsuliortutut inuuvoq pingaartumik isumassarsiorfissatut ilinniartitsisarnikkut kalaallit kulturiannik nipilersortarnerannillu ilisimasaqarnerulernissaq annertuumik suliniutigisimallugu.

Nipilersorneq nipilersornermillu ilinniartitsineq aqqutigalugu Jim Milnep meerarpassuit inuusuttorpassuillu kivitseqataaffigisarpai namminnerlu piginnaasaqarnerannik upperinnilersittarlugit.

Aamma atuaruk: Nunatsinni tusarnaartitseqataarnerit annersaat aallartilerpoq

Powered by Labrador CMS