Angajoqqaat aalakoortut: Pingasunik ukiulik kisimiilluni aneertoq

Sooq nukappiaraq mikisoq Nuummi Industrivejimi nalunaaqutaq 14.00-ip missaani aneernersoq innuttaasut paasisinnaanngimmassuk politiinut nalunaaruteqarput. Naak nukappiaraq ajoqqusersimanngikkaluartoq politeeqarfiliaanneqarpoq

Nukappiaraq pingasunik ukioqartuusoq paasineqarpoq.

- Nukappiaraq sumi najugaqarnersoq misissorparput, paasigatsigulu ingerlaannaq angerlarsimaffiannukarluta. Angajoqqaavi imigassartorsimagamik meerartik paarisinnaanngilaat, Nuummi politikommisæri Poul Petersen Sermitsiaq.AG-imut oqaluttuarpoq.

Nukappiaraq inunnik isumaginnittoqarfimmit maannakkut paarineqarpoq.