namminiilivinneq

Ane Hansenip Tunngaviusumik inatsisissaq pillugu isumalioqatigiissitami ingerlaannarnissaa qularnartoq

Tunngaviusumik inatsisissaq pillugu isumalioqatigiissitami siulittaasup tullia qaammatialunnguit qaanngiuppata ilaasortaajunnaariaannaavoq

Ane Hansen, IA, stemmer, folketingsvalg 2015, Aasiaat

Ane Hanseni (IA) tunngaviusumik inatsisissaq pillugu isumalioqatigiissitami piffissami sivikitsuinnarmik ilaasortaasinnaassaaq.

Pingasunngormat isumalioqatigiissitami siulittaasup tulliatut saqqummiunneqarpoq, Qaasuitsor Kujallermilu januaarip aallaqqaataani borgmestesterinngortussaanini pissutigalugu Inatsisartuni ilaasortaajunnaartussaavoq, ullorli taanna aamma isumalioqatigiissitamit ilaasortaajunnaartariaqassalluni.

Atuaruk: Tunngaviusumik inatsisissaq pillugu isumalioqatigiissitaq maanna inissinneqarpoq

Inatsisartuni ilaasortaannaat

Inatsisartuni ilaasortat kisimik isumalioqatigiissitami ilaasortaasinnaapput. Immikkorluinnaq pisoqartillugu partii Inatsisartuni ilaasortaanngitsumik isumalioqatigiissitamut ilaasortanngortitsisinnaavoq. Tamannali akuerineqaqqaartussaasoq, isumalioqatigiissitami suliassaanni allassimasoqarpoq.

- Maajip qiteqqunnerani Qaasuitsoq Kujallermi inissititerisoqalerpat, Ane Hansenip Inatsisartuni sulinerminik annikillisaareernerata kingorna aatsaa nalilersuiumaarpugut, Inuit Ataqatigiit siulittaasuat, Sara Olsvig oqarpoq.

Taassuma kommunimi borgmesterinngortitsiniarnermi aaqqiagiinneq pissutigalugu Ane Hansenip tunngaviusumik inatsisissaq pillugu isumalioqatigiissitami ilaasortaassanersoq ilaasortaassannginnersorluunniit isummerfigisimanagu oqaatigaa.

Atuaruk: Tunngaviusumik inatsimmik suliaqarnerup nuna ataatsimoortissavaa

Namminersorneq pillugu Isumalioqatigiinni misilittagalik

Ane Hansen ataatsimiititaliani ilaasortaaffigisani ikilisereersimavai, taammaattoq tunngaviusumik inatsisissaq pillugu isumalioqatigiissitami ilaasortaaginnarallassaaq.

Taassuma borgmesterinngornissaa ilisimaneqanngikkallarmalli siulittaasup tullissaattut aalangiunneqarsimavoq.

- Ane Hansenip Namminersorneq pillugu Isumalioqatigiinni suleqataanermini misilittagaalu tunngaviusumik inatsisissaq pillugu isumalioqatigiissitami iluatinnarmata toqqarsimavarput, Sara Olsvig oqarpoq.

Atuaruk: D Tunngaviusumik inatsisissaq pillugu isumalioqatigiissitami ilaasortassamik suli toqqaanngitsut

Ikilisaajuarsinnarpoq

Ane Hansen piffissami tassani borgmesteriusimavoq. Inuit Ataqatigiinniit Ane Hansenip isumalioqatigiissitami ilaasortaaginnassanersoq aalajangiusimaannarneqarnersoq, Sara Olsvigip piffissami matumani oqaaseqarfigerusunngikkallarpaa.

Partii taama aalajangissangaluarpat Nalakkersuisut akuersinissaat pisariaqassaaq, immikkorluinnarmi pisoqartilligu aatsaat tassani ilaasortaasoqarsinnaammat.

Taassumalu qaammatini quligiluaannarni siulittaasuunissaa isumaqanngitsutut isigalugu partiip taanna isumalioqatigiissitamit tunuartipallassinnaavaa.

- Upernaaq manna Inatsisartut ataatsimiinnerata nalaani Ane Hansenip inissititerisoqarnerani suliaminik annikillisaaqqittussaasoq, Sara Olsvigip oqaatigaa.

Isumalioqatigiissitami IA-p ilaasortaatitaata aappaa aamma misilittagartuujuvoq, tassaasoq Mimi Karlsen.

Powered by Labrador CMS