Vestnordisk Råd
Anders Samuelsen: Tunngaviusumik inatsit nunat avannarliit killiit isumaqatigiissusiaannut unioqqutitsivoq
Danamarkip nunanut allanut ministeriata nunat avannarliit killiit isumaqatigiissutaanik taamaatitsiinnarnini uggoraa, tassami danmarkimut savalimmiunullu ajornartorsiortitsilermata. Inatsisilli piumasarineqartut naapertorlugit sulisoqartariaqarpoq, Ander Samuelsen oqarpoq.
Isumaqatigiissutaanerpa imaluunniit pilersaarummik nalunaarut? Islandip Kalaallit Nunaata Savalimmiullu ukioq manna nunat killiit siunnersuisoqatigiit ataatsimeersuarneranni atsiorneqarumi tamanna Danmarkip Savalimmiullu akornarnni nalorninartorsiortitsivoq.
Savalimmiuni nunanut allanut naalakkersuisup Poul Michelsen (Framsókn) pilersaarummik nalunaarummik taavaa.
Poul Michelsen naapertorlugu Kalaallit Nunaat Savalimmiullu isumaqatigiissusiorput ”kunngeqarfik danmark” avaqqullugu.
Nunanut allanut tunngasumik politikki malillugu savalimmiut Danamark avaqqullugu nunanut allanu tisumaqatigiisiorsinnaatitaanngilaq. Taamaattumillu Danmarkip isumaqatigiissut atorsinnaanngitsoq nalunaarutigaa.
Anders Samuelsen savalimmiut nutaarsiassaqartitsivianut allakkatigut akissuteqarnermini oqaatigaa nunat avannarliit killiit iluanni suleqatigiittoqarsinnaasoq kisiannili inatsisit atuuttut tunngavigalugit.
- Suleqatigiinnerit pisinnaapput soorunami, kisiannili inatsisit atuuttut malinneqartariaqarput tassanilu tunngaviusumik inatsik pineqarpoq. Ander Samuelsen oqarpoq.
- Naalakkersuisoqatigiit iluanni nunat allat iluanni suleqatigiilluarsinnaanissaq qitiulluinnarpoq, tassanilu Savalimmiut sakkortuunik uppernartunillu soqutigisaqarpoq, nunanut allanut ministeri nangippoq.
Kunngeqarfik eqqaaneqanngilaq
Isumaqatigiissut pineqartoq augustip 31-aneersuuvoq tuluttoortoq ateqartoq"Cooperation Agreement between the Governments of the West Nordic Countries".
Oqaaseqatigiinni siullerni kunngeqarfik Danmark eqqqaaneqanngilaq, ima nipaqarmat: "The Government of the Faroe Islands, the Government of Greenland and the Government of Iceland (hereinafter referred to as the Parties, (....)."
Ataatsimeersuaarnerit peqataaffiginngilai
Poul Michelsenip arlaleriarluni Danmarkip Savalimmiut nunanut allanut suleqatiginninnissaanut killilersuivallaarnera uparuartarsimavaa. Naalakkersuisullu neriuutigaa nunanut allanut inatsik pisinnaatitaaffiliisoq misissorneqaqqinnissaa piumasaaqaatigaa.
Danamrkip aaliangerneranut iluarisimaarinninnginneq Poul Michelsenip FN-ip ataatsimeersuartitsinerani nunarsuarmioqatgiit anguniagaannut ataavaartitsiniarnermut issittumi 17-usunut peqataannginnerminik takutippaa. Savalimmiut ataatsimeersuarnermi tallimanngormat 1.december Eigtveds pakhusimi pisumi qaaqquseqataavoq.
Naliginnaasumik issuttuni suleqatigiillluarnerit tassani aamma Kalaallit Nunaata savalimmiullu iluanni suleqatigiinnerit iluini sulilluarnerit nuannaarutigaakka, aamma ataatsimeersuarnerup pinissaata tungaanut suleqatigiilluarsimavaugut
Soorunami Poul Michelsenip nunat issittut ataatsimeersuarneranni takukkusunnginnera uggoraara, taamak aaliangersimaneq kikkunnut iluaqutaanersoq takusinnaanngilara. Anders Samuelsen oqarpoq.
Nunanut allanut naalakkersuisoq nangippoq, Naalakkersuisup peqataanerasigut isumaqatigiissutit assigiinngitsut pilersinneqarsimasinnaagaluartut.
- Qularinngilara ataatsimeersuarnerup iluani issittumi aningaasaqarnermi anguniakkat assigiinngitsut eqqartornerinut iluaqutaasimanissaat. Andes Samuelsen oqarpoq.
Oqallinneq sakkortooq
Poul Michelsen oqalliseriaaseq sakkaortooq tallimanngormat atorpaa, tamatumalu nalaani ataatsimeersuarneq Eigtveds Pakhusimi pileruttorpoq.
Avisimi Sosialurinimi isummersorluni oqallinneq aallarnerpaa, tamannalu malitsigalugu Savalimmiut radioani apersorneqarpoq ullup ingerlanerani arlaleriarluni aallakaatinneqartumi.
Poul Michelsenip paasisinnaanngilaa sooq Danmark Islandip naalakkersuisuinut isumaqatigiissutsip atorunnaarneranik nalunaarsimanera..
- Pissusissamisuunngilluinnarpoq isumaqatigiissut uagut suliarput taamatut taamaatiinnarsinnaammassuk Paul Michelsen Savalimmiormiut radioanut oqarpoq.