Anders Brøns pillugu eqqaaniaaneq

Anders Jonas Brøns, Polar Seafoodimik pilersitseqataasoq piginneqataasorlu, Aalborgip talittarfiani ipisimasoq pillugu, Vodskov Kirkemi pingasunngorpat decembarip aqqaneq-aappaanni eqqaaniarneqassaaq

Vodskov Kirkemi palasi kalaaleq Oline Berthelsen nalunaaqutaq pingasut qeqqanut eqqaaniaanermi naalagiartitsissaaq.

Anders Brønsip ilaqutai, qitornai, ernutai, inooqatigisimasaa nuliarisimasaalu kiisalu qatanngutai arfininngormalli tamakkerlutik tikissimalerput. Eqqaaniaasoqareerpat Anders Brønsip illerfia toqusinik ikuallaasarfimmukaanneqassaaq.

Nuummi ilisisoqassaaq

Aalajangerneqarsimavoq Nuummi kingusinnerusukkut ilisisoqassasoq. Qaquguli tamanna pissanersoq suli aalajangerneqanngilaq.

Anders Brøns Hanne Brønsimut 1975 katippoq, kingornalu sisamanik qitornartaarput. Kingorna nakorsamut Parnuna Heilmannimut katippoq, taakku marlunnik qitornartaarlutik. Maanna aappaasoq Gitte Christensen, Nuummiuuvoq.

Polar Seafood Greenlandip Danmarkimi qullersaqarfia illoqarfimmi Vodskovimiippoq, tassanilu eqqaaniaaneq ingerlanneqassaaq.

Anders Brøns pillugu uani atuarnerusinnaavutit

Powered by Labrador CMS