aktiasineq

Anders Brønsip Grønlandsbankenimi inissisimanini nukittortippaa

Grønlandsbankenimi siulersuisuni ilaasortaasup, Anders Brønsip, qanittukkut aningaaserivimmi aktiatini annertusivai

Anders Brøns

Grønlandsbankenimi siulersuisuni ilaasortat ilaat, Anders Brøns, aamma Polar Seafoodimi pisortaanerususoq, qanittukkut aningaasaqarnikkut niuertarfimmi annertuumi niuerniaqqammerpoq, aningaaserivimmilu aktiaatini annertusillugit.

Grønlandsbanken børsimut nalunaaruteqartartua taama ilisimatitsivoq.

Pisinerit marluk
Taakku aningaaserivimmi pisinerit marluk katillugit aktiat 2.334-iupput 1,49 millionit nalinginut. Pisinerup aamma nammineq pisineruvoq, pisinerullu aappaa suliffeqarfimmit Minikka A/S-imit, Anders Brønsip siulittaasuuffigisaanit pisineruvoq.

Anders Brønsip aktiatilittut inissisimanini aatsaat nukittortilinngilaa. 2008, 2011 aamma 2012-imi nammineerluni aktianik katillugu 3,5 millionit koruuninut pisivoq.

Qajannaatsumik sinneqartoorneq
Kalaallit Nunaanni bankit annersaata februaarip 23-ani 2015-mut naatsorsuutit saqqummiuppaat, taakku akileraannginnermi 106,6 millioninik sinneqartooruteqartoq takutippaat.

Sinneqartoorneq taamaalilluni 24,8 millionit koruuninik ukiumut siulianut sanilliullugu annikilleriaateqarpoq, kisianni sinneqartoorneq qajannaatsuuvoq, aningaaseriviullu siulersuisuinit naammaginartutut nalilerneqarluni.

Atuaruk: Grønlandsbanken 100 millionit koruunit sinnerlugit sinneqartooruteqarpoq

Powered by Labrador CMS