mittarfiit
Andap mittarfiliornissamik isornartorsiuineq akerlileraa
Aningaasaqarnermut Naalakkersuisoq Andreas Uldum erseqqissaalluni oqarpoq, Newportimik mittarfiliornissamik pilersaarutit Namminersorlutik Oqartussanut niuerneq ajortorujussuussasoq
Naalakkersuisut Ilulissani takornariaqarnikkut ineriartornissaq kissaatigaat, piumasalli atugarissaarnitsinnut aarlerinartut tunngaviginagit!
Aningaasaqarnermut Naalakkersuisup Andreas Uldumip, Demokraatit, oqaatsit taakkua atorlugit, Qaasuitsup Kommuniata aningaasalersuinissamut suliniutaanut Newportimut akuersaannginnermikkut sooq Naalakkersuisut eqqortumik aalajangiisimanerat aalajangiusimavaa.
Kommunip nunanit tamalaanit aningaasaliissutit aqqutigalugit timmisartorsuarnut mittarfiliorlunilu nutaamik umiarsualiviliornissaq, taamatuttaarlu akunnittarfeqarnikkut inissat annertusineqarnissaat, neriuutigigaluarpaa.
Aamma atuaruk: Knud Kristiansen: Taamaattumik mittarfissualiortoqassanngilaq
Isornartorsiuineq
Itigartitsineq isorineqartorujussuuvoq, ilaatigut Ilulissani inuussutissarsiutinik ingerlatalinnit, soorluttaaq aalajangerneq Sermitsiami pingaarnertut allaaserisami isornartorsiorneqartoq.
Andreas Uldum tamatuma akerlianik erseqqissaalluni oqarpoq, tamakiisoq isiginiarneqartariaqartoq. Nunanit allanit aningaasaliissutinik pilersitsisoqarsinnaagaluarpoq, kisianni piumasaqaatit malinnaatinneqartut, ajunngitsuusariaqarput.
- Siullermik 8-10 procentinik erniaqatitsinissamik piumasaqarput. Naalakkersuisut 2 procentingajannik ernialinnik taarsigassarsisinnaapput. Tassa imaappoq taarsigassarsianut sisamariaammik annerusumik akiliinerussasugut. Niuertutut allagartaqartariaqanngilaq niuerneq tamanna ajortorujussuusoq takusinnaassallugu, Andreas Uldumim Sermitsiami nutaami oqaaseqaammi oqarpoq.
Aamma atuaruk: Politikeritoqaq ajornartorsiummik isorisarialimmik tikkuaasoq
Naligiinngitsumik akisussaaffeqarneq
- Taakkua saniatigut Newportiliorniat piumasaraat, Naalakkersuisut iluanaarutissanut qularnaveeqqusiissasut. Allatut oqaatigalugu: Pilersaarut iluanaaruteqassappat iluanaarutit Newportiliortut pissavaat, pilersaarulli amigartooruteqassappat akileraartartut amigartoorutit akilissavaat. Aappaattut piumasaqaatigaat Ilulissani mittarfik 2.800 meterisut takitigisoq Atlantikoq qulaallugu timmisartunut Kalaallit Nunaanni mittarfituaassasoq. Imminut oqaatigivoq. Tamanna soorunami akuerisinnaanngilarput, naalakkersuisoq tamatuma saniatigut uparuaavoq.
Aamma atuaruk: Knud Kristiansenimut qisuariaateqartorpassuit: Mittarfiliortoqarli
Andreas Uldumip oqaaseqaataa tamakkerlugu Sermitsiami nutaami atuaruk.
Aviisi pisiarisinnaavat matumani ataani ingerlariaqqissaq toorlugu.