peqqissutsimut navianartoq
Anat ima 'sukkulaaliorfimmit' kuuffeqarput
Sisimiuni anat kuuffii innuttaasunut peqqissutsimut navianaateqartut ilisimatuumit nalilerneqarpoq
Sisimiut illoqarfiata eqqaani anat kuuffiat kangerliumanerup eqqaani inissisimavoq, tassani umiatsiaaqqat ilaatigut uninngatinneqartarlutik. Tassani aamma qaannamik sungiusartoqartarpoq, tamannalu innuttaasut peqqissusaannut navianartorsiortitsisuusoq ilisimatooq Pernille Erland Jensen naliliivoq.
Kalaallit Nunaanni avatangiisini uumassuseqanngitsuni suliaqartut 'Asiaq' timmisattumit kuuffik assilisimavaat, tassani anat qanoq siaruaattarnersut takuneqarsinnaalluni. Tamanna peqqissutsimut navianaataasoq Pernille Erland Jensen Videnskab.dk-mut oqaatigaa.
- Imaq tinitsillugu anat kangerliumarngup sinaanut pisarput, tassani inuit umiatsiaaraat uninngasarput, kiisalu qajartortartut kinngusaqattaartarlutik. Taanna isigalugu maajunnarpoq, peqqissutsimillu navianaateqarluni, Pernille Erland Jensen oqarpoq.
Tassunga kuuffinnut saliisarfik iluaqutaanavianngitsoq naliliivoq, akuutissanilli iluaqutaasinnaasut naliliilluni.
- Iginneqartartut kompostiliuutit qeritinneritigut iluaqutaasartut misissuinitsinni paasivarput. Qeqereeraangata aasani aattarput, peqqissutsimullu navianaataasinnaasut suujunnaarsinneqartarlutik, Pernille Erland Jensen oqarpoq.
Biogasanlægiliortoqarnissaa aamma siunnersuutigaa. Tamannali atortorissaarutitigut misissuiffigineqaqqaatariaqartoq oqarpoq.