Qaqortoq
Ammerivik sisamanik soraarsitsivoq - kantiina matuaat
Great Greenlandimi aqutsisut aalajangiuppaat minnerpaamik sulisut sisamat soraarsinneqartariaqqassasut
Qaqortup ammerivia Namminersorlutik Oqartussanit pigineqartoq aningaasartuutinik ikilisaasariaqarpoq. Nalunaarut tamanna nikallunganartoq tusarliunneqaqqammerpoq.
Maanna suliffeqarfiup pisortaqarfiata nalunaarutigaa, minnerpaamik inuit sisamat soraarsinneqartariaqartut. Tamanna Qanoruumi oqaluttuarineqarpoq.
KNR-imi atuaruk: Great Greenland sulisut sisamat soraarsinneqarput
Suliffeqarfik ukioq kingulleq ingerlanerliulerami 38 millionit koruuningajannik amigartooruteqarpoq. Maajip qaammataani Namminersorlutik Oqartussat suliffeqarfimmut ingerlatsinermut 15 millionit koruuninik tapiisariaqarsimapput.
Ikilisaanerit pisariallit
- Suliffeqarfik sunaluunniit naammattumik isertitaqanngitsoq, soorunami pisariillisaasinnaatitaavoq, tunitsivimmi mersortarfimmilu pisortaq, Preben Møller KNR-imut oqarpoq.
Maannakkut kantiinami soraarsitsinissaq naatsorsuutigineqarallarpoq. Ilimanarpoq matussasoq, aamma mersortarfimmi sulisut marluk suliunnaarsinneqassapput.
Video: Atisaliortartup puisinniartarneq soqutigisarileraa
Pisortaq Lars Berg, KNR-imut nassuiaavoq suliffeqarfimmi immikkoortuni tamaniittut sillimassasut.
Aasaanerani tuniniaanermi isertitakinneq aamma siorna suliamik aningaasartuuteqangaatsiarneq aningaasaatikilliortitsisoq peqqutigalugu sulisut sisamat soraarsinneqassapput. Kisianni amerlanerusut soraarsinneqariaannaapput. Great Greenland 33-inik sulisoqarpoq.
Atuaruk: Great Greenlandimi sipaarniartoqalersoq