Gennemsigtighed
Ammasuunissamik neriorsuutitik malippaat?
Politikerit ammasumik ingerlatsinissamik neriorsuutitik malinneraat takujuk
Qineqqusaarnerup nalaani politikerit ammasuunissamik takunnissinnaanissamillu neriorsueqattaarput. Inuit qinigaasa neriorsuutitik mslinneraat takuneqarsinnaavoq inatsisartut.gl-imi.
Webmasteri quppernermi nittartakkami immersugassanik ilisivoq, tassanilu takuneqarsinnaassapput politikerit politikeritut akissarsiamik saniatigut siulersuisunut ilaasortaaffeqarunik tassani akissarsiaat isertitaallu allat.
Tassa politikerit immersugassaq taanna immersorusuppassuk.
Sermitsiaq.AG nalunaarsuiffittut immersugassanut, politikerit immersorsimasaannut, tamanut takussutissiorpoq. (Tamakkua allaaserisap talerpiata´tungaani linki atorlugu takusinnaavatit. Tamatuma kingorna paasiniaasinnaavutit, ilaatigullu takullugu politikerit kikkut siulersuisunut ilaasortaaffeqarnikkut akissarsiaqarnersut saniatigullu isertitaqarnersut).
Sermitsiaq.AG-p takussutissiaq sisamanngormat sanavaa. Taamaasinerani Inatsisartut.gl-imi immersugassat 27-t takuneqarsinnaapput.
Transparency Greenlandip arlaleriarluni inuit qinigaat siunnersortarsimavaat nalunaarsuiffittut immersugassaq immersortaqqullugu, NGO-llu neriuutigaat tamanna pinngitsoorani atugassanngortinneqarumaartoq. Ilaatigut politikerit ammasumik pissuseqarniassammata, aammalu innuttaasut takunnissinnaanerat annertusiniassammat. Ilaatigullu pisariaqanngitsumik ernumassuteqaqqunagu tatiginninngitsoqaqqunagulu, politikerit nammineq soqutigisaminnik isertuussinersut.
Atuaruk: "Politikerit nalunaarsuiffiat kukkunilik"
Takussutissiami ineqarnermut, pinngortitamut avatangiisunullu Naalakkersuisup Mette Lyngep immersugaa ilaanngilaq. Taassumali immersugassaq immersorsimavaa, taannali kukkunikkut inatsisartut.gl-imut ilineqarsimanngilaq, taamaattumillu immersugaa ajoraluartumik ilanngussinnaanngilarput.
Allaaserisap talerpia´tungaani linki atorlugu nalunaarsukkat tamaasa takukkit.