Imigassaq
Ammasarfiit sivitsornissaat Maliup aalajangiusimavaa
Malik Berthelsenip siunnersuutini aalajangiusimavaa.
2012-imi Siumumi Inatsisartunut ilaasortap Malik Berthelsenip siunnersuutigaa immiaaqqanik, viinninik kimittuunillu tuniniaaneq sapaatit akunnerisa ulluini tamani unnukkut qulingiluanut sivitsorneqassasoq.
Ullumikkullu Siumumiit Qeqqata Kommuniani borgmesterip Malik Berthelsenip ammasarfiit sivitsornissaannik siunnersuutini aalajangiusimavaa.
– Siunnersuutiga ukiut tallimat matuma siornagut saqqummiuppara isumaqarama sulilu isumaqarlunga ammasarfiit killeqarnerat imigassamut atatillugu uivernermik pilersitsisartut pisiniat tamarmik niuertarfinni utaqqisariaqartarmata nioqqutissanik nalinginnaasumik imaluunniit immiaaqqanik, viinninik kimittuunilluunniit pisiniarunik, Malik Berthelsen Sermitsiamut oqarpoq.
– Naatsorsuutigisimanngilara tuniniarneqarnerisa sivitsornerat innuttaasut imigassartornerulernerannik kinguneqassasoq tamannalu suli naatsorsuutiginngilara. Nalunngilarput imerusulluinnaraangatta qassinngornersoq qanorlu akeqarnersoq soqutigineq ajoripput.
Malik Berthelsenip imigassamut isiginnittariaasia Sermitsiami atuaruk, taanna uani pisiarisinnaavat: