unammilleqatigiinneqanngitsoq
Ammaassinissaq taamaatinneqartoq ilatsiinnarfiussanngilaq
Siunniussat unammillinernissap aqqani tunuartinneqartut Tele Greenland A/S-ip malinniarai
Inatsisartut attaveqaatitigut ammaassinis- samik taamaatitsinerat inuppassuit minnerunngitsumillu nunatsinni attaveqaatinut suliffeqarfiup uissuummissutigaat.
Tele Greenland A/S unammillernissaminut piukkunnarsarsimagaluarpoq.
– 2016-imi suliniutit annertuut aallartissimagaluarpavut, saniatigullu oqarasuaatitigut angallattakkatigut ammaassisoqarsinnaalluni. Taamaattumik periusissiaq allanngortittariaqarparput, taamaalilluta maannamiit suliffeqarfiup, suleriaatsitta tunisassiattalu pisariillisarnissaat tamakkiisumik ukkataralugu, pisortaaneq Kristian Reinert Davidsen maajip 18-ani ataatsimeersuarnermi oqarpoq.
Siunnissimasat malinneqassasut
Inatsisartulli upernaakkut ataatsimiinnerminni ullormi kingullermi aammaassinissaq taamaatippaat.
– Ammaassinissap taamaatinnera kisermaassinerullu attatiinnarnera ima kinguneqassava Tele Greenland A/S qiviimilluni ilatsiinnarluni?
– Naagga, siunniussimasavut malissavavut. Sullitavut tunisassianik pitsaanerusunik, akikinnerusunik nutaaliaanerusunillu tuniniarlugit ilungersortuassaagut, niuernerpullu pisariillisartuassavarput atortulersuutivut piorsarlugit, pisortaaneq Kristian Reinert Davidsen Sermitsiamut oqarpoq.
Atuaruk: Nalunaarusiaq namminersortunngorsaanissamik inassuteqartoq
Allaaserisaq tamaat Sermitsiami uani sapaatip-akunnerani saqqummertumi atuaruk. Aviisi aamma uani pisiarisinnaavat: