Amerlasuut akileraarutinik utertuussapput

Aningaasat 154,3 millioner koruunit akileraartartunut utertinneqassapput. Aningaasalli ilarpassuit akiitsunut ingerlaannaq atorneqassapput. Akileraarutinik utertoorutit aggustip naanerani tunniunneqassapput.

- 27,1 mio. koruunit Kalaallit Nunaanni kommuninut, inissiaatileqatigiiffinnut Inimut Iseritsimullu aammalu Nukissiorfinnut il.il. akiitsunut matusissutitut akilersinneqarput, sinneruttut 16,7 mio. koruunit Kalaallit Nunaani Namminersorlutik Oqartussanut akiligassanut kinguaattoorutinut matusissutigineqarput, namminersorlutik oqartussat nalunaarput.

Akileraarutinik aamma tapertoqassaq akileraartartut 9.560-it katillugit 154,3 millioner koruuninik tapertussaammata.