Aningaaseriviit
Amerlanerussuteqartut aningaaserivimmik kalaallinik pigineqartumik kissaateqarput
Inatsisartuni amerlanerussuteqarluartut aningaaserivimmik kalaallinit pigineqartumik pilersitsinermi suut iluaqutissaanersut ajoqutissaanersullu misissortikkusuppaat.
Tamanna ullumi oqallinnermi paasinarsivoq, tassani Anthon Frederiksenip, Partii Naleraq, siunnersuutaa taperserneqarluarpoq. Demokraatinit siunnersuummut taamaallaat akerliusoqarpoq.
Aningaasat nunamit aniasut
Aningaaserivinnit aningaasat ''aniaannaratik'' nunatsinniiginnartarnissaat sammisami malunnartuuvoq.
- Aningaasat nunatsinniissapput, illoqarfiit nunaqarfiillu aningaasanik taarsigassarsisinissamut periarfissaqarniassammata. Periarfissat taakku ullumikkut killeqartorujussuuppoq, Hans Enoksen naqissusiivoq, inuussutissarsiornermut naalakkersuisoq naqissusiivoq, nuna nammineq aningaaserivittaaruni annertuumik siumut alloriassasoq isumaqarluni.
- Sapinngilagut, Hans Enoksen oqarpoq.
Savalimmiut
Taassuma Savalimmiut isumassarsiorfissaasoq oqaatigaa, taanna arlalinnik iluatsittunik aningaaseriveqarpoq.
- Taakku usorisassaapput, Anthon Frederiksen Savalimmiuni aningaaseriviit pillugit taama oqarpoq. Nunarpullu taassuma aningaasap nalingata tunngaveqalernissaa qilanaaraa, tamanna anngiortumik hashimik eqqussuinermut akiuutaalluartuummat.
Jens Immanuelsenip Siumumeersup aningaaserivimmiititanut aamma taarsigassarsititsinissamut pitsaaqutissat, inuiaqatigiit pisariaqartitaannut tulluarsakkat arlallit takusinnaavai.
Demokraatit akerliusut
Demokraatit Namminersorlutik Oqartussanit pigineqartumik aningaaserivimmik eqqarsaateqarneq akerlerigaat, Demokraatineersup Randi Vestergaard Evaldsenip oqaatigaa.
- Økonomit aamma inatsisilerituut aningaaserivimmik taama ittumik pilersitsinissatsinnut piginngilagut, taanna naqissusiivoq, taakku tunngaviusumik suliffeqarfinnut Namminersorlutik Oqartussanit pigineqartunut akerliusarput.