Pituffik
Amerikarmiunit aalajangiunneqartoq Greenland Contractorsip ingerlateqqippaa
Pituffimmi kiffartuussinissamut isumaqatigiissummut tunngatillugu USA-mi suliarinnittussisarfiup aalajangigaa suliffeqarfiup Per Aarsleffip ingerlateqqereeraa aamma Greenland Contractorsip suliaq ingerlateqqippaa
Per Aarsleff A/S-ip suliaq ingerlateqqeqqaarpaat.
Suliffeqarfiup Greenland Contractors I/S-ip Pituffimmi kiffartuussinissamut isumaqatigiissummik tunineqanngitsup aamma suliaq ingerlateqqippaa.
Børsen allappoq.
Per Aarsleff, Greenland Contractors I/S aamma Copenhagen Arctic Pituffimmi kiffartuussinissamut isumaqatigiissummik tunineqarnissamut qinnuteqartuupput. USA-mi suliarinnittuussisarfiup Government Accountability Officep aalajangerpaa suliffeqarfik Exelis Services kiffartuussinissamut isumaqatigiissuteqarfigineqarnera attatiinnarneqassasoq. Pituffimmi Exelis Servicesip sullissinera septembarip 30-anit ukiuni arfineq marlunni tulliuttuni sullissisuussaaq.
- Pituffimmi kiffartuussinissamut isumaqatigiissuteqartoqarnerani kalaallit danskillu suliffeqarfiutaannit tigusinermi immikkut piumasaqaatigineqartut malinneqarnissaat kissaatigalugu suliaq suliassanngorteqqipparput, Greenland Contractorsimi pisortaaneq Peter Kofoed Børsenimut oqarpoq.
Suliarinnittuussisarfiup aalajangiinera The United States Court of Federal Claimsimut ingerlateqqinniarlugu suliffeqarfik Copenhagen Arctic suli aalajanginngilaq.
Greenland Conctractorsip 67 procentimik entreprenøritut ingerlatsivimmit MT Højgaardimit pigineqarpoq, sinneralu 33 procentimik namminersorlutik oqartussanit pigineqartumit Greenland Holdingimit pigineqarluni. Greenland Contractors amerikarmiut sakkutooqarfianni Pituffimmi kiffartuussinissamik 1971-imili isumaqatigiissuteqarpoq.