Skip to main content

Amerikap nunavittaaneersut pissartanngorniutivinnissaanut makitsineq takuuk

Aqagu arfininngornermi Amerikap nunavittaaninngaanneersut Nuummi juunip qaammataani assammik arsaallutik pissartanngorniutivinnissaannut makitsisoqassaaq. Nuna tamakkerlugu sungiusaasup Ingi Olsenip immikkoortuni unammisaqattaarnerni Brasilia Argentinalu naapikkusunnginneruai

Aqagu arfininngorpat angutit PANAM-imimi Nuummi juunip ulluisa 16-aniit juunip ulluisa 24-ata tugaanut unamminissaat makitsissutigineqassaaq.

Nunat aqqaneq-marluk pissartanngorniutivinnissamut anngunnikuupput, pissartanngorniutivinnerlu ukiup tulliani januaarip qaammataani Danmarkimi Tysklandimilu assammik arsaalluni pissartanngorniutivinnissamut ingerlanneqartussamut aamma anngunniutissapput.

Kalaallit Nunaata saniatigut nunat anngunnikut tassaapput; Cuba, Canada, Puerto Rico, Uruguay, Peru, Paraguay, Guatemala, Colombia, Chile, Brasilien aamma Argentina.

Iligiit nukittunerit naapikkusunngikkaat

Makitsineq sioqqullugu Sermitsiaq.AG-ip Kalaallit Nunaata nuna tamakkerlugu sungiusaasua Ingi Olsen oqaloqatigaa.

- Immikkoortuni unammisaqattaarnerni Argentina Brasilialu nukittunerujussuummata naapikkusunnginneruakka. Immikkoortuni unammisaqattaarnerni Chile Uruguarilu unamminissaat neriuutigaara. Tassani semifinalimut anngunnissamut periarfissagissaarnerussaagut, taamaattoqassappalli semifinalimi nunat nukittuut taakku marluk unammeratarsinnaavagut. Makitsinerli qanorluunniit inerneqaraluarpat makitsineq uatsinnut sakkortussaaq, Ingi Olsen oqarpoq.

Makitsineq malinnaavigiuk

Makitsinermi Kalaallit Nunaat iluaqutissaqalaarpoq, immikkoortunummi marlunnut makitsisoqareernerata kingorna Kalaallit Nunaat kisiartaalluni pissartanngorniutivinnerni immikkoortumi sorlermi inissisimanissani aalajangersinnaavaa. Kalaallit Nunaatami immikkoortumi inissisimavissani Cubamut taarsiussinnaavaa.

Tassa immikkoortunut makitsinermi Kalaallit Nunaata Argentina Brasilialu makikkaluarunigit, taava Kalaallit Nunaata Cuba immikkoortuanut nuunnissani toqqarsinnaavaa. 

Aqagu arfininngornermi nalunaaqutaq 13.00 makitsisoqassaaq.

Makitsineq una toorlugu malinnaavigisinnaavat imaluunniit Kalaallit Nunaanni Assammik Arsaattartut Kattuffiata Facebookimi qupperani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER