Amerikamiut kuultisiortartut kalaallimik pissarsiortut

Aallakaatitassiaq 'Ice Cold Gold' ukiut sisamassaat aallakaatinneqartussanngorpoq. Tassunga peqataasussamik kalaallimik pissarsiortoqarpoq.

'Kalaallimik peqataasussamik nassaassallunga neriorsuinikuuvunga'.

Erik Palo Jacobsen Facebookikkut inuttaaqataasussamik ujaasinissani pillugu taamatut allappoq.

Asimiittartoq
Aatsitassarsiornermi misilittagaqarluartuusarput sumilu tamalaaniinnikuullutik 'Ice Cold Gold'-imi peqataasut. Kisianni arnamik angummilluunniit asimi misiittagaqarluartumik 'najugaqavissumik tv-kkut peqataarusussinnaasumik' ujaasisoqarpoq.

Peqataasussat tamarmik tuluttut oqaaseqartuupput, taamaattumik tuluttoorsinnaasariaqarpoq. Kalaallimik misigisassarsiorumatuumik Animal Planet nassaarsinnaanissani neriuutigaa.

Misigisaqarnerusinnaaneq
'Ice Cold Gold'-imik filmiliornerit aallartinneqarpata ujarassiortoqassaaq. Imaassinnaasoq aamma sikukkut qaqqakkullu pisunnerit amerlanerussapput, angalasoqarnerussallunilu, aaqqissuisut nalunaaruteqarput.

'Ice Cold Gold' saaffigineqarsinnaavoq icecoldgold2015@gmail.com-imut apriilip 24-at nallertinnagu.