piareersartut
Aluu Airlines illunik alakkaavoq
Namminersorlutik Oqartussat kiffartuussinissamut isumaqatigiissuteqarniarniarnissaannut nutaanut timmisartortitseqatigiit piareersaleruttorput
Aluu Airlinesip tungaanit kingullertigut nipaattoqarpoq.
Timmisartortitseqatigiilli maanna nalunaarutigaat, sapaatip-akunnerata tulliani Ilulissat, Sisimiut, Nuuk, Narsarsuaq aammalu Qaqortoq tikeraarniarlugit. Kujataani angalanermut atatillugu aamma aqutsisut qulimiguulimmik tikitassat amerlanerit aamma aqqusaassavaat.
Atuaruk: Aluu Airlinesip timmisartuusseqqaarnissani kinguartippaa
Piareersarneq
Maannakkorluinnaq hangariliorfissat, najugaqarfissat, mittarfiit (qulimiguulinnut) atortorissaarutaat allarpassuillu kiffartuussinissamut neqeroorusiornissamut paasissutissat atugassat Aluu Airlinesip katersorpai.
- Ingiarlugu aamma suliffeqarfiit ullumikkut sullinneqarnerminni amigaatigisaat siunissamullu kissaatigisaat tusarniaaviginiarpagut, ingerlatseqatigiiffik Facebookimi quppernermini allappoq.
Atuaruk: Aluu Airlines bilitsit akikitsinnissaannut tunuarterpoq
Bilitsit akikinnerusut
Akikinnerusumik, tatiginartumik naleqqussakkamillu Aluu Airlinesip kiffartuussinissaq siunertaraa.
- Nalunngilarput sivisuumik Aluu Airlines tusarfiginagu isumaliornatoq unissimasugut. Unammillerneqarneq neriorsuisaqattaanngitsoornissarlu pinngitsoorniarlu maannamut isertuusisimavugut.
Atuaruk: Aluu Airlines: Akit ima appasitsippagut