Maniitsoq
Aluminiumik aatsitsivissaq uninngatinneqarallarpoq
Maniitsup eqqaani suliniummik ingerlatseqqinnissaq maanna niuernerup inissisamanera pissutigalugu periarfissaqanngitsoq, Naalakkersuisut maanna uppernarsarpaat
Inatsisartuni ilaasortaq Siverth K. Heilmann (A) sapaatip-akunnerani kingullermi allagaqarpoq, Maniitsup eqqaani aluminiumik aatsitsivimmik sanasoqarnissaanik suli pilersaaruteqartoqarnersoq aperaluni.
Atassummi politikerip saniatigut apeqqutigaa, tassunga atatillugu erngup nukinganik innaallagissiorfimmik sanasoqassanersoq.
Atuaruk: Politikeri: Alcoamik aatsitsivittaarniarpugut?
Periarfissaqanngitsoq
Randi Vestergaard Evaldsen (D), maanna inuussutissarsiornermut, suliffeqarnermut aamma niuernermut naalakkersuisuusimasunngortoq, maanna niuernikkut pissutsit taamatut inissisimatillugit, Maniitsumi suliniutip ingerlatseqqinnissaanut Alcoa periarfissaqanngitsoq ullumi akissuteqarnermini allappaa.
Atuaruk: Randi aningaasaqarnermut aatsitassanullu naalakkersuisunngorpoq
Taassuma ilisimatitsissutigaa, tamatumunnga atatillugu illuatungeriit isumaqatigiissutaannut ilassummik suliaqartoqarnissaa isumaqatigiissutaasoq, tassuunalu periarfissinneqassalluni erngup nukinganit nukissiuuteqarnikkut periarfissat siunertanut allanut atorneqarsinnaasut.
- Naalakkersuisut siunertaraat periarfissat taakkua allanut neqeroorutiginissaat, taanna akissummini allappoq.
Suli soqutiginnittut
Taamaattorli Randi Vestergaard Evaldsen mianersortumik allappoq:
- Periarfissat pineqartut siunertanut allanut atorneqarsimassanngikkaluarpata, niuernikkut aluminiuliornermi pissutsit ajunngitsumik inissisimaleqqinneranni, taamalu nutaamik aatsitsiviliornissanut aningaasaliisoqarnissaanut periarfissaqalerluni, taava aallaavittut ilimanaateqassaaq Alcoap suliniut suli soqutigissagaa.
Atuaruk: Alcoap kinguartitseqqinnera Maniitsumi uggorineqarpoq