politik-mik
Alternativit illersorneq pillugu politikkip oqallisigineqarnissaanut aggersaavoq
Ullumi Katuami allaanerulaamik politikkikkut naapeqatigiittoqassaaq, tassani partii Alternativet illersornissamut politikkip oqallisigineqarnissaanut aggersaavoq.
Politikkimik soqutigisaqarpit, illersornissamulli politikkimut siunnersuutissaqarpit?
Atuaruk: Alternativet IA-llu illersornissaq pillugu eqqartueqatigiinniartut
Taamaappat ullumi Katuamukarit. Naalagaaffeqatigiinnermi eqqisinermut, illersornissamulli politikki pillugu, partii Alternativet eqqartueqatigiinnissamut aggersaavoq.
Neriuutit isumallu ersersinneqassapput
- Tamatumunnga ilanngullugu eqaamasariaqarpoq Kalaallit Nunaat Issitorlu annertuumik ukkatarineqarmata. Taamaattumik Kalaallit Nunaanni illersorneq pillugu politikkissatta ilusilersornissaanut partiit tungaannit innuttaasut kikkulluunnit soqutiginnittut qaaqquneqarusupput akuutikkutinneqarusullutillu. Inuit Ataqatigiit Folketingimi Alternativillu pingaartippaat innuttaasut isummersueqataanissaat tamaalillutillu politikkiliornissamut immersueqataanissaat, Alternativit illersornissamut politikkikkut oqaaseqartartuat, René Gade oqarpoq.
Pisussat
Ualeru politikkikkut pisussat ima isikkoqarput:
Illersorneq pillugu politikkissamik oqallinnissaq aallarnerlugu Marianne Victor Hansen Alternativimeersoq naatsumik saqqummiissaaq, taassumalu kingorna Rasmus Leander Nielsen Ilisimatusarfimmiit, Nils Westergaard Arktisk Kommandomit aammalu Bjørn Tegner Bay Kalaallit Nunaanni Politiineersoq suliaminnut tunngasunik saqqummiussaqassapput. Tamatuma kingorna oqallittoqassaaq politikkissamik inerisaasoqaatigaluni.
Aaqqissuussineq Katuami nalunaaqutaq 16.30-miik 19.00 tikillugu pissaaq.