Skip to main content

Allattarfissuarmi partiip sorliunissaa aalajangeraat

Ukiup affaata matuma siorna Malene aamma Pele Brobergip qinersinissamut qinigassanngortinnissartik isumaliutersuutigisimanngilaat. Kisianni pissutsinik allannguerusussutsip aalajangertippai.

Ataasinngorneruvoq marsip tallimaat. Malene Broberg aaqqitassaqarluni angerlarpoq. Radio ikikkamiuk Naalakkersuisut siulittaasuat Kim Kielsen qinersinissami nalunaaruteqalersoq tusaavaa. 

- Eqqarsarpunga aqaatigippagu – sassassaanga imaluunniit sassassanngila, sassassaanga imaluunniit sassassanngilanga. Oqaatigimmagulu: Taamaaliussaanga, qinigassanngortissaanga! 

Oqaluinnarneq iluaqutaanngitsoq

Ukiup affaata siuliani Pele imaluunniit Malene Broberg taama eqqarsarsimanngikkaluarput. Kisianni ukiup affaata ingerlanerani nunatsinni politikkikkut pissutsit nerinerit nalaanni oqallisigilluartarpaat, taamaalillunilu eqqarsaatigineqallattaalerpoq – aallaqqaammut ingammik Malene Broberg taama eqqarsalerpoq.

- Politikki oqaluuseriinnarlugu iliuuseqarfiginngikkutsigu sumut iluaqutaagami, taama eqqarsarpugut. 

Kim Kielsenip tusagassiortunik katersuutsitsineranit ullut qulit missaat qaangiuttut Pele Broberg aamma sassarniarluni aalajangerpoq.

Malene Broberg Pisiffimmi naatsorsuuserisut pisortaraat, siornatigullu aamma Mittarfeqarfinni taamaattumik atorfeqarnikuulluni. Pele Brobergip Aluu Airlinesimik aallarniisut marluusut aappaattut, angallannermi kiffartuussinissamut isumaqatigiissutinik pissarsiarinninniartutut ilisarisimaneqarneruvoq. Aamma taanna Halibut Greenlandimi siulersuisuni siulittaasumut tulliusimavoq, ullumikkullu inuussutissarsiornermut naalakkersuisoqarfimmi atorfilittatut sulivoq, tassanilu akissarsiaqarnani sulinngiffeqarallarpoq. 

Allattarfissuarmi misissuineq

Killilersuisuunnginnamik inuussutissarsiornermut suliniuteqarniartuugamik, Partii Naleqqamik tapersersuisut oqaatigineqartartunut tulluartuunatik ilisimalluarpaat. Ilisarisimasaasalu arlallit tamannarpiaq apeqquteqarfigisimavaat.

- Allattarfissuatsinni partiit aqqi tamaasa allappagut. Taakkunanilu kikkut issianersut, qanoq sivisutigisumik issiasimanersut, suut angusimaneraat, suullu suliniutigisimaneraat allappagut. Naleqartitaat suunersut, sorliit tarrarsorfigisinnaanerlutigit. Taamatut misissuereerluta Partii Naleqqamut qaninnerulersinneqarpoq, Malene Broberg nassuiaavoq.

Hansimut (Enoksen, red.) ammasumik tamanna oqaatigaarput. Partiimi politikkinoortuunngilagut, kisianni anguniagaqarniarluta partiimut ilannguppugut, Pele Broberg ilanngullugu oqarpoq.

Nunap ingerlanneqarnera arlalippassuartigut allanngorneqartariaqartoq, Malene aamma Pele Broberg isumaqarput. 

Namminiilivinnissamut inuit taasitsinneqarnerat alloriarnerit siullersarissavaat

Namminiilivinnissap oqaluuseriinnagassannnginnissaa taakkununnga pingaaruteqarluinnarpoq, aalajangersimasunik alloriarnikkut anguniagassaasoq isumaqaramik.

- Uagut ilinniagaqartuusugut aamma paasisaqarfiginnilaartugut – nunap qanoq pinissaanik takoorluukkanik ikiuulluta tapeeqataasariaqarpugut. Naalagaaffittullu piareerutta taakku malitsigisaannut akisussaaffimmik tigusilluta, Pele Broberg oqarpoq.

Taakku tamanna nammineerlutik allannguinermik suliniutitut ‘change management’-itut isigaat imaluunniit ‘nunap illuanut saanneratut’.

Taamatut allannguineq namminiilivinnissamik kinguneqartussaq anguniarlugu, Malene aamma Pele Brobergip maanna ingerlanneqartoq muminniarpaat. Inuit taasitinneqarnerinik tamanna aallartittariaqartoq isumaqarput, innuttaasut namminiilivinnissaq kissaatigivinneraat paasiniarlugu. Taasititsinissaq ukiup ataatsip iluani annertuumik paasititsiniaareernerup kingorna pissaaq.

- Innuttaasutnamminiilivinnissamik kissaatqartut paasereerutsigu sulineq ingerlateqqissinnaavarput, Pele Broberg oqarpoq.

Pisinnaavugut

Aappariit tamatuma kingorna namminiilivinniaraanni suut pisariaqarnersut misissorlugit aallartinniarput, kiisalu qaqugu piviusunngortinneqarsinnaanersoq. Anguniagaqalernerup innuttaasut erseqqissumik malugisinnaanissaat taakkununnga pingaaruteqarpoq.

- Partiit allat piareerutta ernuttatta namminiilivinnissaat oqaluuseraat. Iliuuseqarfiginngilaalli. Iliuuseqarfiginngikkaanni namminiilivinnissaq oqaluuserineqarsinnaanngilaq, Malene Broberg oqarpoq.

- Innuttaasut tatiginnissapput. Imminut tatigeqatigiinnissaq uanni pingaaruteqartorujussuuvoq, pisinnaalluta upperalugu, taanna naqissusiivoq.

- Pisinnaannginnerput upperiinnarutsigu, taava aamma namminiilivikkunnanngilagut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER