Kiap nassiussaraa?
Allagaq puiaasamiittoq nunatsinneersoq nassaarineqartoq
Arctic Umiaq Linemit allagaq puiaasamiittoq Irlandimi Patrick Jacksonimit nassaarineqarpoq, kinalu taassumunnga allassimanersoq inuttaa maannakkut ujaaraa
- Allakkamik puiaasamik nassiussisoq nassaarerusuppara. Kinaava? Takornariaava kalaaliualuunniit?
Irlandermiu Patrick Jackson Ove Poulsenip Facebookimi qupperneranut allappoq.
Ove Poulsenip Irlandermiu ikiorpaa nassiussisoq ujaaralugu.
Illorsuarnit angalasoq
Patrick Jacksonip allagaq Dublinimi nassaaraa. Nassaaraa allagaq Arctic Umiaq Linemeersoq Illorsuarnit Uummannamut angalasoq 1998-mi.
Kina taassuminnga nassiussisuunersoq maannakkut ujaaraa.
- Allakkap ukiuni 16-ni Irlandimiissimasinnaanissaa ilimagaara. Una pissarsiarereerakku Kalaallit Nunaannut angalaarusulerpunga, oqarpoq.
Nassaava colami puiaasamiittuuvoq. Aamma siornatigut allamik assingusumik nassaartoqareerpoq. KNR marsimi allappoq Islandimi Kalaallit Nunaannit allanneqarsimasumik nassaartoqarsimasoq.
Patrick Jackson aamma Ove Poulsen ikiorsinnaavigit? Ataani allagit imaluunniit netredaktion@sermitsiaq.ag-imut allassinnaavutit