Skip to main content

Allaffissornermi økonomitut holdit ilinniarsimalersut siulliit

Niuernermik Ilinniarfik ilinniakkamik nutaamik iluatsitsipput

Nunatsinni siullermeerluni allaffissornermi økonomitut ilinniakkamik naammassinnittoqarpoq. Tassani ukiuni pingasuni ilinniaqqiffiusoq pineqarpoq, ilinniartullu suliffiup saniatigut ilinniarfigalugu.

Ilinniagaq pisortani aamma suliffeqarfinni namminersortuni allaffimmi suleqatinut aqutsisutut ilinniarneruvoq. Atuisunut siunnersortituusinnaavoq, sulisoqarnermut immikkoortoqarfimmi, suliniummik ingerlatsisutut imaluunniit sullissisutut.

Ilinniakkaminnik naammassinnittut  tassaapput Jeremias Jeremiassen Kommuneqarfik Sermersuumeersoq, Paninnguaq Fleischer-Lyberth Sisimiuni innarluutilinnut sullissivimmi Tiliumeersoq, Malik Skifte Mittarfeqarfinneersoq kiisalu Lykke Frank Hansen Ulla Kleistilu tamarmik Tele Greenlandimeersut.

- Kandidatinngortut sinnerlugit assut nuannaarpunga. Ilinniakkaminni angusiniarlutik ilungersorlutik sulisimaqaat. Taakkulu atuagarsornermik ilikkakkaminnik qanoq ulluinnarni suliffimminni ilinniarnermi immikkoortuinik naammassinninnerminni sulinermi piginnaasatut atuilersimanerat misigalugu assut nuannerpoq, ilinniartitaanermut ataqatigiissaarisoq Jasper Withes tusagassiuutinut nalunaarummi allappoq.

- Kandidatit maanna siunissami sulinissaminnut sakkussagissaalerput. Taakku aalajangersimalluinnartunik suliaqarnissamut pisortanngornissamulluunniit kissaateqaraluarunilluunniit ilinniagartik iluaqutigalugu takorluukkaminnik piviusunngortitsisinnaanermut toqqammavigissaalerput.

Ukiut pingasut ingerlanerani ullup ilaani ilinniarnerminnik ingerlatsinermini ilinniagassat assigiinngitsut paasisaqarfigaat, aningaasaqarnermut tunngasunik, inatsisilerinermik tunngasumik kiisalu allaffissornermik ingerlatsinermik.

- Ullumikkut ilinniakkamik nangitsinissaq aatsaat taamak pingaaruteqartigilerpoq. Nunatsinnimi suliffeqarfinni ineriartorneq ullut tamaasa pivoq, taamaattoqarneranilu sulisut allanngornerni peqataanissamut piginnaasaqarnissaat pisariaqarpoq. Taamaammallu ilinniagaq pisortat namminersorlutillu inuussutissarsiortut piumasaqaataannik naammassinnittunngorlugu tulluarsagaavoq, taamaalilluni ilinniartut sakkussanik assigiinngitsunik suliffimminni allanngortoqartillugu paasinnillutillu nalimmassarsinnaanngoqqullugit, Jasper Witjes isumaqarpoq.

2016-imi 2017-imilu ilinniartunik nutaanik aallartittoqarsimanera ilanngullugu paasissutissiissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER